ஸ்ரீதேவிக்கு பிறந்த நாள் வாழ்த்துச் சொன்ன புலி படக்குழு!

இன்று பிறந்த நாள் கொண்டாடும் நடிகை ஸ்ரீதேவிக்கு புலி படக்குழுவினர் வாழ்த்து தெரிவித்துள்ளனர்.

நீண்ட இடைவெளிக்குப்பின், விஜய்யின் புலி படத்தில் நடித்துள்ள நடிகை ஸ்ரீதேவி தனது 52வது பிறந்தநாளை இன்று சென்னையில் எளிமையாக கொண்டாடினார்.

அவருக்கு புலி பட நாயகன் விஜய் தொலைபேசியில் பிறந்தநாள் வாழ்த்து தெரிவித்துடன், பூங்கொத்து ஒன்றையும் அனுப்பி வைத்துள்ளார்.

நடிகை ஸ்ரீதேவிக்கு, புலி படத்தின் தயாரிப்பாளர்கள் பி.டி.செல்வகுமார், ஷிபு தமீம் மற்றும் புலி படத்தின் இயக்குனர் சிம்புதேவன் ஆகியோர் நேரில் சென்று பூங்கொத்து கொடுத்து தங்களது வாழ்த்துக்களைத் தெரிவித்தனர்.