"தளபதியே" சொல்லிட்டாரு... ஆகஸ்ட் 20ல் வெளியாகிறது புலி டிரைலர்!

புலி டிரைலர் - விஜய் அறிவிப்பு

சற்று நேரத்திற்கு முன்பு வெளியான இந்த அறிவிப்பில் புலி டிரைலர் ஆகஸ்ட் மாதம் 20 ம் தேதியில் வெளியாகும் என்று ரத்தினச் சுருக்கமாக நடிகர் விஜய் அறிவித்து இருக்கிறார்.

ஸ்ரீதேவி மேடத்திற்கு வாழ்த்துக்கள்

மேலும் அவர் வெளியிட்டுள்ள அறிவிப்பில் இன்று பிறந்தநாள் கொண்டாடும் ஸ்ரீதேவி மேடத்திற்கு ஒட்டுமொத்த புலி படக்குழுவினரின் சார்பாகவும் வாழ்த்துகிறோம் என்று விஜய், ஸ்ரீதேவி இருவரும் அரச உடையில் நிற்பது போன்ற ஒரு படத்தையும் வெளியிட்டு இருக்கிறார்.

உறுதி செய்த சோனி மியூசிக்

விஜயின் இந்த போஸ்ட்டை உறுதி செய்வது போல புலி படத்தின் ஆடியோ உரிமையை வாங்கியிருக்கும் சோனி மியூசிக் நிறுவனம் உங்கள் நாட்காட்டியில் குறித்து வைத்துக் கொள்ளுங்கள் ஆகஸ்ட் 20 ம் தேதி புலி படத்தின் டிரைலர் வெளியாகிறது" என்று தனது அதிகாரப்பூர்வ ட்விட்டர் பக்கத்தில் அறிவித்துள்ளது.

ஸ்ரீதேவியின் பிறந்தநாளில் வெளியான அறிவிப்பு

இன்று ஸ்ரீதேவியின் பிறந்தநாளில் இந்த அறிவிப்பை புலி படக்குழுவினர் வெளியிட்டு இருப்பது குறிப்பிடத்தக்கது, ஏற்கனவே விஜயின் பிறந்தநாளில் படத்தின் டீசர் வெளியாகி இணையதளத்தில் வைரலாகி பல்வேறு சாதனைகளையும் படைத்தது குறிப்பிடத்தக்கது.

தீயாய் வேலை செய்யும் ரசிகர்கள்

விஜய் அறிவித்ததுதான் தாமதம் அவரது ரசிகர்கள் தற்போது இந்த செய்தியை தீவிரமாய் பரப்பி வருகிறார்கள், தற்போது இணையதளங்களில் காட்டுத்தீ வேகத்தில் பரவிக் கொண்டிருக்கின்றது புலி படத்தின் டிரைலர் பற்றிய அறிவிப்பு. எது எப்படியோ டிரைலர் வெளியாகும் வரை சமூக வலைதளங்களை புலி பட டிரைலர் தொடர்பான செய்திகளே அலங்கரிக்கப் போகின்றன என்பது மட்டும் உண்மை.

போஸ்ட் புரொடக்க்ஷன்

தற்போது ஒட்டுமொத்த புலி படக்குழுவினரும் படத்தின் போஸ்ட் புரொடக்க்ஷன் வேலைகளில் ஈடுபட்டு உள்ளனர், விஜயின் திரை வரலாற்றிலேயே அதிக பொருட்செலவில் உருவான திரைப்படம் புலி என்பது குறிப்பிடத்தக்கது.

தீயா வேலை செய்வாங்களோ...