கார் ஒத்திகைக் காட்சி... மயிரிழையில் உயிர்தப்பிய பிரபல இயக்குனர்

புலிமுருகன்

மலையாள சூப்பர்ஸ்டார் மோகன்லால், கமாலினி முகர்ஜி, நமீதா, கிஷோர், ஜெகபதி பாபு மற்றும் பாலா ஆகியோரின் நடிப்பில் உருவாகி வரும் படம் புலிமுருகன்.இந்தப் படத்தில் புலிமுருகன் என்ற கதாபாத்திரத்தில் மோகன்லால் நடித்து வருகிறார்.

ஒத்திகைக் காட்சி

இப்படத்தில் இடம்பெறும் ஒரு கடுமையான சண்டைக் காட்சிக்காக ஒரு காரை வைத்து படக்குழுவினர் ஒத்திகை பார்த்து உள்ளனர். இந்த ஒத்திகைக் காட்சியில் இடம்பெற்ற காரானது படத்தின் இயக்குநர் வைசாக் மீது மோத வந்ததில் மயிரிழையில் உயிர்தப்பி இருக்கிறார் வைசாக்.

பேஸ்புக்கில்

இந்த ஒத்திகைக் காட்சியில் வைசாக் உயிர்தப்பிய வீடியோவை புலிமுருகன் படக்குழுவினர் தங்களது பேஸ்புக் பக்கத்தில் பதிவிட்டுள்ளனர். படக்குழுவினர் கண்முன்னே நடைபெற்ற இந்த ஒத்திகைக் காட்சியில் காரானது வைசாக் மீது மோத வைசாக் உயிர்தப்பி கீழே விழுகிறார்.

நிஜமான

படத்தின் ஒத்திகைக் காட்சியின்போது நடந்த இந்தக் கார் துரத்தலும், இயக்குநர் வைசாக் அதிர்ஷ்டவசமாக உயிர்தப்பியதும் மலையாளத் திரையுலகில் பெரும் அதிர்ச்சி அலைகளை ஏற்படுத்தி இருக்கிறது. தமிழ்நாட்டு ரசிகர்களின் கனவுக்கன்னி நமீதா இப்படத்தில் ஒரு முக்கியமான கதாபாத்திரத்தில் நடித்து வருவது குறிப்பிடத்தக்கது.