Vikram Vedha Twitter Review: இந்தியில் சாதித்தார்களா புஷ்கர் காயத்ரி.. விக்ரம் வேதா எப்படி இருக்கு?

வெறித்தனம் காட்டும் விக்ரம் வேதா

இயக்குநர்கள் புஷ்கர் காயத்ரி இயக்கத்தில் தமிழில் வெளியான விக்ரம் வேதா படத்தில் விஜய்சேதுபதி, மாதவன் நடித்து இருந்தனர். அந்த படத்தை பார்த்து பிடித்துப் போன ஹ்ரித்திக் ரோஷன் இந்தியில் ரீமேக் செய்ய முடிவெடுத்து அதே இயக்குநர்களை வைத்தே படத்தை உருவாக்கி உள்ளார். இன்று வெளியாகி உள்ள விக்ரம் வேதா படத்துக்கு பாசிட்டிவ் விமர்சனங்கள் குவிந்து வருகின்றன.

பிரேம் குமார் வாழ்த்து

விக்ரம் வேதா படத்தில் முக்கிய கதாபாத்திரத்தில் நடித்து கதைக்கு செம ட்விஸ்ட் கொடுத்த பிரேம்குமார் விக்ரம் வேதா இந்தி ரிலீஸை முன்னிட்டு தனது ஃபேவரைட் இயக்குநர்களான புஷ்கர் காயத்ரிக்கு வாழ்த்து தெரிவித்துள்ளார்.

பைசா வசூல்

விக்ரம் வேதா படத்தின் முதல் பாதி பைசா வசூல் என்றும் ஹ்ரித்திக் ரோஷன் மற்றும் சைஃப் அலி கான் இருவரும் ஒருவருக்கொருவர் விட்டுக் கொடுக்காமல் நடித்து மிரட்டி உள்ளனர் என படத்தின் முதல் பாதியை பார்த்து விட்டு ரமேஷ் பாலா தனது விமர்சனத்தை கொடுத்துள்ளார்.

ராக் சாலிட்

இளம் வயது ஹ்ரித்திக் முதல் கேங்ஸ்டர் ஹ்ரித்திகாக மாறுவது வரை நடிப்பு அசுரனாக காட்சிக்கு காட்சி மிரட்டலை கொடுத்துள்ளார் என இந்த ரசிகர் ராக் சாலிட் பெர்ஃபார்மன்ஸ் என விக்ரம் வேதாவை கொண்டாடி உள்ளார். ஏகப்பட்ட ரசிகர்களும் படம் சூப்பர் என சொல்லி வருகின்றனர்.

போர் அடிக்குது

விக்ரம் வேதா படம் ஒரிஜினல் அளவுக்கு ரொம்ப நல்லா இல்லை. பல இடங்களில் போர் அடிக்குது. ஹ்ரித்திக் ரோஷன் மட்டுமே தனது நடிப்பால் காப்பாற்ற முயற்சித்தும் முடியவில்லை. வெறும் 2 மார்க் தான் என பிரபல விமர்சகர் சுமித் காடேல் படத்தை விளாசி உள்ளார்.