யுவன் தயாரிப்பில் ஹரிஷ், ரைசா நடிக்கும் படம் - ஃபர்ஸ்ட் லுக், டைட்டில் ரிலீஸ்!

பியார் பிரேமா காதல்

ஹரிஷ் கல்யாண் - ரைசா நடிக்கும் இந்தப் படத்திற்கு இசையமைப்பாளர் யுவன் ஷங்கர் ராஜா இசையமைக்க இருக்கிறார். இந்தப் படத்தின் ஃபர்ஸ்ட் லுக் போஸ்டர்கள் நேற்று வெளியிடப்பட்டன. சிறப்பாக வடிவமைக்கப்பட்டிருக்கும் போஸ்ரை யுவன் ரசிகர்கள் அதிகமாக ஷேர் செய்து வருகிறார்கள்.

ஹீரோயின் ரைசா

'பியார் பிரேமா காதல்' படத்திற்கு ராஜா பட்டாச்சார்யா ஒளிப்பதிவு செய்கிறார். ரைசா ஹீரோயினாக நடிக்கும் முதல் படம் இது. இதற்கு முன் நாயகியின் தோழியாக ஒரு சில படங்களில் நடித்துள்ளார். ஹரிஷ் கல்யாண் 'சிந்து சமவெளி', 'பொறியாளன்' உள்ளிட்ட சில படங்களில் நடித்துள்ளார்.

தயாரிப்பாளர் யுவன்

இந்தப் படம் பற்றி யுவன், 'ஒரு படத்தை தயாரிக்கும்போது கிடைக்கும் உற்சாகம் அளவற்றது. நல்ல கூட்டணி, நல்ல கதை, நல்ல தொழில்நுட்பக் கலைஞர்கள், முன்னேறி வரும் பிரபல நட்சத்திரங்கள் ஆகியவற்றின் சங்கமம் இப்படத்தயாரிப்பை மேலும் சிறப்பாக்கியுள்ளது.'

திறமைகளை உலகிற்கு காட்டவேண்டும்

வெளிவராத திறமைகளை வெளிக்கொண்டு வந்து, உலகிற்கு காண்பிப்பதே எனது மற்றும் கே.புரொடக்ஷன் ராஜா ராஜன் அவர்களின் நோக்கம். என படத்தைத் தயாரிப்பது பற்றி யுவன் ஷங்கர் ராஜா கூறியுள்ளார்.