ராகவேந்திரரை ரஜினி கும்பிட மாட்டார்.. ராதா ரவி ஓப்பன் டாக்.. அந்த ’பாம்’ சட்டையையும் கலாய்!

டிரெண்டிங் தெரிந்தவர்

பேச்சுத் திறமையில் நடிகர் ராதா ரவியை யாரும் அடித்துக் கொள்ள முடியாது. அந்தளவுக்கு பேசுபவர். அதே போல யூடியூப் டிரெண்டிங்கை நன்கு அறிந்து வைத்திருக்கக் கூடிய அவர் என்ன பேசினால், இன்னைக்கு யாரை பற்றி பேசினால் நம்மை பற்றி பேசுவார்கள் என்பதை அறிந்தே ரஜினியின் பிறந்தநாளில் சூப்பர்ஸ்டாரின் டாப்பிக்கை தொட்டுப் பேசி உள்ளார்.

ராஜலட்சுமி பட ஃபர்ஸ்ட் லுக்

விஜய் டிவியின் சூப்பர் சிங்கர் நிகழ்ச்சி மூலம் பிரபலமான செந்தில் மற்றும் ராஜலட்சுமி தம்பதியினர் சினிமாவிலும் நடிக்க ஆரம்பித்துள்ளனர். செந்தில் ஹீரோவாக நடித்து ஒரு படம் வெளியான நிலையில், அடுத்து ராஜலட்சுமி நாயகியாக நடிக்கும் 'லைசன்ஸ்' படத்தின் ஃபர்ஸ்ட் லுக் போஸ்டர் ரிலீஸ் விழா சென்னையில் இன்று நடைபெற்றது.

ராதா ரவி பேச்சு

அந்த விழாவில் கலந்து கொண்டு பேசிய ராதா ரவி ராஜ லட்சுமிக்கு பல ஃப்ரீ அட்வைஸ்களை அள்ளித் தெளித்தார். ஷூட்டிங் ஸ்பாட்டில் தனி பாத்ரூம் கேட்டு வாங்கிக்கோம்மா என்றும் கூறினார். பின்னர், ரஜினிகாந்தை பற்றி அவர் பேசியது தற்போது சோஷியல் மீடியாவில் டிரெண்டாகி வருகிறது.

நாயகன் படத்தை பாராட்டினேன்

கோயமுத்தூர்ல ரஜினி சாரை மீட் பண்ணும் போது நேத்து ஒரு படம் பார்த்தேன் சார்.. நாயகன்னு அழுதுட்டேன் சார்.. வீட்டுக்கு வந்து திரும்ப திரும்ப போட்டுப் பார்த்தேன் சார்னு சொன்னேன்.. ரஜினி அவர் ஸ்டைலில் அப்படியான்னு கேட்டார்.. அதன் பிறகு அவரிடம் இப்ப ஒரு படம் பார்த்தேன் சார்.. கொன்னுடலாம்னு தோணுச்சு சார் என்றேன்..

சட்டையில் வெடிகுண்டு

என்ன படம்னு கேட்டார்.. மனிதன்னு சொன்னேன்.. யோவ்.. அது நான் நடிச்ச படம் என்றார். அதனால தான் சார் சொல்றேன். நீங்க இப்படியெல்லாம் செய்யக் கூடாதுன்னு சொன்னேன். சண்டைக் காட்சியில் சட்டை முழுவதும் வெடிகுண்டு மாட்டி வச்சிட்டு பறந்து பறந்து சண்டை போடுவார்.. அப்படியெல்லாம் பண்ண முடியாது சார், கீழே விழுந்தா குண்டு வெடிச்சிடும்னு சொன்னேன். அதையும் நீங்க இப்படி பண்ணா ஆளாளுக்கு குண்டு மாட்டிக்கிட்டு கிளம்பிடுவாங்க அப்புறம் வெடிகுண்டு கலாசாரத்தை ஆரம்பிச்சி வச்ச மாதிரி ஆகிடும்னு சொன்னேன் என்றார்.

ராகவேந்திராவை கும்பிடமாட்டார்

முன்பு ஒருமுறை இப்படித்தான் ராகவேந்திரா படம் வரும் போது, ஊர்ல ஏற்கனவே ஏகப்பட்ட பிள்ளையார் கோயில் இருக்கு.. நீங்க வேற புதுசா ராகவேந்திரரை அறிமுகம் பண்ணி வைக்கிறீங்களேன்னு சொன்னேன். இப்போ நானே ராகவேந்திரரைத் தான் கும்பிட்டுட்டு இருக்கேன் என்றார். மேலும், ஆனால், ரஜினி ராகவேந்திரரை எல்லாம் கும்பிட மாட்டார்.. அவர் இப்போ அதை விட ஸ்லோகம், மந்திரம்னு போயிட்டார் என பேச அரங்கமே சிரிப்பலையில் அதிர்ந்தது.