பட வாய்ப்புக்காக படுக்கைக்கு அழைத்ததாக கூறிய வரு.. ராதிகா சரத்குமார் என்ன சொல்லியிருக்கார் பாருங்க!

நெகட்டிவ் ரோல்

சசிக்குமாருடன் தாரை தப்பட்டை, விஜய் சேதுபதியுடன் விக்ரம் வேதா, விஜயுடன் சர்கார், தனுஷுடன் மாரி 2, விஷாலுடன் சண்டக்கோழி 2 உள்ளிட்ட படங்களில் நடித்துள்ளார். சர்க்கார் மற்றும் சண்டக்கோழி ஆகிய படங்களில் அவர் நடித்த நெகட்டிவ் ரோல்கள் பெரும் வரவேற்பை பெற்றது. இதனால் சிறந்த வில்லிக்கான விருதுகளையும் பெற்றுள்ளார்.

படுக்கைக்கு அழைத்தார்கள்

தற்போது தமிழில் 7 படங்களை கை வசம் வைத்துள்ளார் வரலட்சுமி. அதேநேரத்தில் கன்னடம் மற்றும் தெலுங்கு படங்களிலும் நடித்து வருகிறார். இந்நிலையில் அண்மையில் ஊடகம் ஒன்றிற்கு பேட்டியளித்த நடிகை வரலட்சுமி, பட வாய்ப்புக்காக தன்னையும் சில இயக்குநர்கள் மற்றும் தயாரிப்பாளர்கள் படுக்கைக்கு அழைத்தார்கள் என தெரிவித்தார்.

பெரும் பரபரப்பு

அதற்கான ஆதாரங்கள் தன்னிடம் இருப்பதாக கூறிய வரலட்சுமி, தமிழ் சினிமாவில் தான் என்னதான் வாரிசு நடிகையாக இருந்தாலும் கூட தனக்கும் அந்த அவலம் ஏற்பட்டு இருப்பது வேதனை அளிப்பதாக கூறினார். நடிகை வரலட்சுமி இவ்வாறு கூறியது சினிமா வட்டாரத்தில் பெரும் பரபரப்பை ஏற்படுத்தியது.

சரியா சொல்லியிருக்க

இந்நிலையில் நடிகை வரலட்சுமியின் இந்த பரபரப்பு குற்றச்சாட்டு குறித்து அவரது தாயும் நடிகையுமான ராதிகா சரத்குமார் கருத்து தெரிவித்துள்ளார். இதுதொடர்பாக அவர் பதிவிட்டுள்ள டிவிட்டில் சரியா சொல்லியிருக்க வரு.. உனக்கு பலமாக இருக்கிறேன் என கூறியுள்ளார். அவரது இந்த டிவிட்டை ரசிகர்கள் லைக் செய்து வருகின்றனர்.

பெண்களுக்கு ஆதரவு

நடிகை வரலட்சுமி, பாலியல் துன்புறுத்தலுக்கு ஆளாகும் பெண்களுக்கு ஆதரவாக குரல் கொடுத்து வருகிறார். பாலியல் துன்புறுத்தலுக்கு ஆளாகும் பெண்களுக்கு ஆதரவாக சக்தி என்ற பாதுகாப்பு அமைப்பையும் நடத்தி வருகிறார். #MeeToo-க்கு ஆதரவாக குரல் கொடுத்து வரும் வரலட்சுமி, பெண்களுக்கு ஆதரவான நிகழ்ச்சிகளையும் நடத்தி வருகிறார் என்பது குறிப்பிடத்தக்கது.