'வ.வா.சங்கம் ரிட்டர்ன்ஸ்' ரஜினிமுருகனைக் கொண்டாடும் ரசிகர்கள்

வசீகரிக்கும் காமெடி

"ரஜினிமுருகன் முழுக்கவே காமெடி கலந்து ரசிகர்களை வசீகரிக்கும் விதமாக உள்ளது. சிவகார்த்திகேயன், சூரி, பொன்ராம் வருத்தப்படாத வாலிபர் சங்க கூட்டணி மீண்டும் ஒருமுறை வெற்றி பெற்றிருக்கிறது" என்று ஜெய சூர்யா கூறியிருக்கிறார்.

ரசிகர்களை ஈர்க்கிறது

"ரஜினிமுருகன் இடைவேளை நெருங்கி விட்டது. படம் ரசிகர்களை நன்றாக ஈர்க்கிறது குறிப்பாக வருத்தப்படாத வாலிபர் சங்கம் கூட்டணி ரஜினிமுருகனில் மீண்டிருக்கிறது" என்று அண்ணாச்சி கருத்துத் தெரிவித்திருக்கிறார்.

கீர்த்தி சுரேஷ்

"ரஜினிமுருகன் முதல் பாதி முடிந்தது. நல்ல பொழுதுபோக்கு படமாக ரஜினிமுருகன் இருக்கிறது. கண்டிப்பாக இந்தப் படத்திற்குப் பின் கீர்த்தி சுரேஷுக்கு ரசிகர்கள் எண்ணிக்கை அதிகமாகும்" என்று ஹரிஷ் தெரிவித்திருக்கிறார்.

2 வது பாதி

"நான் சிறிது நேரத்திற்கு முன்னர் ரஜினிமுருகன் பி மற்றும் சி கிளாஸ் ரசிகர்களுக்கான படமென்று நினைத்தேன். ஆனால் 2 வது பாதி மெதுவாக ஏ கிளாஸ் ரசிகர்களையும் இணைத்து ஒரு பாடத்தை அளிக்கிறது" என்று தினேஷ் தெரிவித்திருக்கிறார்.

கத்தி

"கத்தி படத்தின் ப்ளு பிரிண்ட் காட்சியை ரஜினிமுருகனில் பயன்படுத்தி இருக்கின்றனர். தளபதியை மேற்கோள் காட்டியிருக்கின்றனர் போடு தகிட தகிட" என்று மகிழ்ச்சியுடன் கூறியிருக்கிறார் ரோமியோ.