ஸ்டைல் மன்னன்.. சூப்பர்ஸ்டார் ரஜினிகாந்தின் 70வது பிறந்தநாள்.. காமன் டிபியை வெளியிட்ட பிரபலங்கள்!

பிறந்தநாள்

சிவாஜி ராவ் கெய்க்வாட்டாக கர்நாடகாவில் 1950ம் ஆண்டு டிசம்பர் 12ம் தேதி பிறந்து, இன்று தமிழ்நாட்டு ரசிகர்கள் உள்ளங்களை மன்னனாக ஆட்சி செய்து வரும் சூப்பர்ஸ்டார் ரஜினியின் 70வது பிறந்தநாள் கோலாகலமாக கொண்டாடப்பட்டு வருகிறது. ரசிகர்கள், பிரபலங்கள், அரசியல் தலைவர்கள் என ஏகப்பட்ட பேர் வாழ்த்து சொல்லி வருகின்றனர்.

காமன் டிபி

ஆரம்ப காலம் முதல் அருணாச்சலம், பாட்ஷா, படையப்பா, தர்பார் என ஏகப்பட்ட படங்களின் போட்டோக்களுடன், சூப்பர்ஸ்டாரின் அரசியல் என்ட்ரி வரை ஏகப்பட்ட விஷயங்கள் அடங்கிய காமன் டிபியை தற்போது ஏகப்பட்ட சினிமா பிரபலங்கள் வெளியிட்டு வருகின்றனர். #HBDSuperstarRajinikanth மற்றும் #Annaatthe உள்ளிட்ட ஹாஷ்டேக்குகளை ரசிகர்கள் டிரெண்ட் செய்து வருகின்றனர்.

ராஷ்மிகா வாழ்த்து

தென்னிந்திய ரசிகர்களை தனது வசீகரத்தால் கட்டிப் போட்டு வைத்திருக்கும் நேஷனல் க்ரஷ் ராஷ்மிகா மந்தனா தற்போது தனது ட்விட்டர் பக்கத்தில் சூப்பர்ஸ்டார் ரஜினிகாந்தின் பிறந்தநாள் காமன் டிபியை வெளியிட்டுள்ளார். மிகப்பெரிய மனித நேயம் கொண்டவர் என்றும் இன்ஸ்பிரேஷன் என்றும் ராஷ்மிகா மந்தனா காமன் டிபியை வெளியிட்டு வாழ்த்தி உள்ளார்.

பொம்மி வாழ்த்து

சூரரைப் போற்று திரைப்படத்தில் பொம்மியாக கலக்கிய நடிகை அபர்ணா பாலமுரளியும் தனது ட்விட்டர் பக்கத்தில் தற்போது ரஜினிகாந்தின் 70வது பிறந்தநாள் காமன் டிபியை வெளியிட்டு, இது தனக்கு கிடைத்த மிகப்பெரிய மரியாதை என்றும், அடுத்த ஆண்டு சிறப்பான ஆண்டாக அமைய வாழ்த்துக்கள் ரஜினி சார் என்றும் வாழ்த்தியுள்ளார்.

சிவகார்த்திகேயன் வாழ்த்து

சூப்பர்ஸ்டார் ரஜினிகாந்தின் தீவிர ரசிகரான நடிகர் சிவகார்த்திகேயன் தற்போது தனது ட்விட்டர் பக்கத்தில் தற்போது ரஜினிகாந்தின் 70வது பிறந்தநாள் காமன் டிபியை வெளியிட்டு, நாம் அன்போடு நேசிக்கும் சூப்பர்ஸ்டார் ரஜினியின் காமன் டிபியை வெளியிடுவதில் எக்ஸ்ட்ரீம்லி ஹேப்பி என பதிவிட்டுள்ளார்.

ஆரம்பம் முதல் ஆகாயம் வரை

பைரவி படத்தில் கேட்டை எட்டி உதைத்து சினிமாவுக்குள் சாதாரணமாக தனது வாழ்க்கையை ஆரம்பித்த ரஜினிகாந்த், கபாலி, தர்பார் படங்களின் புரமோஷனை ஆகாயத்தில் நடத்தும் அளவுக்கு சர்வதேச அளவில் அங்கீகாரம் பெற்று உயர்ந்துள்ளதை குறிப்பிட்டு ஏகப்பட்ட மீம்களையும், ரஜினி பிறந்தநாள் மாஷ் அப்களையும் போட்டு தெறிக்கவிட்டு வருகின்றனர்.

காமன் டிபி சிறப்புகள்

காமன் டிபியில் உள்ள மூன்று சிறப்பு வாகனங்கள் ரஜினிகாந்தின் வாழ்க்கைப் பயணத்தை எப்படி மாற்றியுள்ளது என்பதை குறிக்கும் வகையில் சிடிபி உருவாக்கப்பட்டுள்ளதை ஜூம் போட்டு கண்டுபிடித்து ரசிகர்கள் குறிப்பிட்டுள்ளனர். பேருந்தில் கண்டக்டராக வாழ்க்கையை தொடங்கியது. ரஜினி மக்கள் மன்றம் சார்பாக தண்ணீர் லாரிகள் மூலம் பொதுமக்களுக்கு குடிநீர் வழங்கி வருவது. குதிரை வண்டியில் ராஜாவாக கோட்டைக்கு போகப் போறார் என்றும் குறிப்பிட்டுள்ளனர்.

என்றைக்கும் ராஜா

ரசிகர்களின் தலைவனாக இருக்கும் ரஜினிகாந்த் அரசியலிலும் வெற்றி காண வேண்டும் என்பதே ஏகப்பட்ட ரசிகர்களின் பிறந்தநாள் வாழ்த்துக்களாக மாறி உள்ளன. சூப்பர்ஸ்டார் ரஜினிகாந்த் பட ரிலீஸ் என்றால் ரசிகர்கள் பெரிய கட் அவுட்கள் வைத்து பாலாபிஷேகம் செய்து கொண்டாடுவது வழக்கம். அண்ணாத்த படத்தை அமர்க்களப்படுத்தவும் ரசிகர்கள் வெயிட்டிங்.