ஃபர்ஸ்ட் திருப்பதி.. நெக்ஸ்ட் அமீன் தர்கா.. ஏ.ஆர். ரஹ்மான் உடன் ரஜினிகாந்த் வழிபாடு.. என்ன காரணம்?

திருப்பதியில் சாமி தரிசனம்

நடிகர் ரஜினிகாந்த் தனது மகள் ஐஸ்வர்யா ரஜினிகாந்த் உடன் திருப்பதிக்கு சாமி தரிசனம் செய்வதற்காக நேற்று இரவு சென்றுள்ளர். திருப்பதி தேவஸ்தானம் சார்பில் அவருக்கு சிறப்பு வரவேற்பு அளிக்கப்பட்டது. அங்கே அவர் சாமி தரிசனம் செய்த காட்சிகள் வீடியோக்களாக வெளியாகி சமூக வலைதளங்களில் டிரெண்டாகின.

அமீன் தர்காவில் வழிபாடு

திருப்பதி கோயிலில் சாமி தரிசனம் முடித்த கையோடு தற்போது கடப்பாவில் உள்ள 400 ஆண்டுகள் பிரசித்தி பெற்ற அமீன் பீர் தர்காவில் நடிகர் ரஜினிகாந்த் வழிபாடு நடத்திய புகைப்படங்கள் மற்றும் வீடியோக்கள் வெளியாகி ரசிகர்களை இன்பதிர்ச்சியில் ஆழ்த்தி உள்ளன.

ஏ.ஆர். ரஹ்மான் உடன்

மகள் ஐஸ்வர்யா ரஜினிகாந்த் மற்றும் இசையமைப்பாளர் ஏ.ஆர். ரஹ்மான் உடன் அமீன் தர்காவில் நடிகர் ரஜினிகாந்த் வழிபாடு நடத்தி உள்ளார். அங்கே ரஜினிகாந்த் மற்றும் ஏ.ஆர். ரஹ்மானுக்கு சிறப்பு மரியாதைகளும் மாலைகளும் அணிவிக்கப்பட்டன. மதங்களை கடந்து மனிதங்களை நேசிக்கும் மனிதராக ரஜினிகாந்த் உள்ளார் என ரசிகர்கள் வாழ்த்தி வருகின்றனர்.

லால் சலாம் படம்

நடிகர் தனுஷை விவாகரத்து செய்த நிலையில், ஆல்பம் பாடல் ஒன்றை பல ஆண்டுகளுக்கு பிறகு இயக்குநர் அவதாரம் எடுத்து இயக்கி இருந்தார் ஐஸ்வர்யா ரஜினிகாந்த். அடுத்ததாக அவர் தனது அப்பா ரஜினிகாந்த் சிறப்பு தோற்றத்தில் நடிக்கும் லால் சலாம் படத்தை இயக்க உள்ளார். இந்த படத்தில் ஏ.ஆர். ரஹ்மான் இசையமைத்து வரும் நிலையில், ரஜினிகாந்த் மற்றும் ஏ.ஆர். ரஹ்மான் ஐஸ்வர்யா ரஜினிகாந்த் உடன் திருப்பதி மற்றும் அமீன் தர்காவுக்கு சென்று வழிபாடு நடத்தி உள்ளனரா என்கிற கேள்விகள் எழுந்துள்ளன.

ரஜினிகாந்த் பிறந்தநாள்

கடந்த டிசம்பர் 12ம் தேதி சூப்பர்ஸ்டார் ரஜினிகாந்த் தனது 72வது பிறந்தநாளை எளிமையான முறையில் கொண்டாடினார். பிறந்தநாளை தொடர்ந்து லால் சலாம் படத்தின் படப்பிடிப்பில் கலந்து கொள்வதற்கு முன்னதாக கோயில்களில் சிறப்பு வழிபாடுகளை செய்து வருவதாக தகவல்கள் வெளியாகி உள்ளன.

ஜெயிலருக்கு வெயிட்டிங்

இயக்குநர் நெல்சன் இயக்கத்தில் உருவாகி வரும் ஜெயிலர் படம் விரைவில் நிறைவடையும் என எதிர்பார்க்கப்படுகிறது. வரும் சம்மருக்கு தரமான சம்பவமாக ஜெயிலர் இருக்கும் என ரசிகர்கள் அந்த படத்தின் ரிலீசுக்காக காத்திருக்கின்றனர். லால் சலாம் படமும் அடுத்த ஆண்டு இறுதிக்குள் வெளியாகும் என எதிர்பார்க்கப்படுகிறது.