நீண்ட நாள் கழித்து என் நண்பரை சந்தித்தேன்.. சந்திரபாபு நாயுடுவை சந்தித்த ரஜினிகாந்த்!

சந்திரபாபு நாயுடு ரஜினி சந்திப்பு

ஆந்திராவின் முன்னாள் முதல்வரும் தெலுங்கு தேசம் கட்சியின் தலைவருமான சந்திரபாபு நாயுடுவை நடிகர் ரஜினிகாந்த் நேரில் சந்தித்துள்ளார். நடிகர் ரஜினிகாந்தை சந்தித்த நிலையில், அவருக்கு சால்வை அணிவித்து சந்திரபாபு நாயுடு உற்சாக வரவேற்பு அளித்துள்ள புகைப்படம் வெளியாகி உள்ளது.

நீண்ட நாள் நண்பர்

நீண்ட நாள் கழித்து நண்பர் சந்திரபாபு நாயுடுவை சந்தித்தேன்.அவருடைய உடல் நலம் நன்றாக இருக்க வேண்டும் என்றும் அரசியல் வாழ்க்கையில் வெற்றிப்பெற வேண்டும் என வாழ்த்துகிறேன் என நடிகர் ரஜினிகாந்த் அந்த புகைப்படத்தை தனது ட்விட்டர் பக்கத்தில் பதிவிட்டு வாழ்த்தி உள்ளார்.

பவன் கல்யாண் சந்திப்பு

சமீபத்தில் சந்திரபாபு நாயுடுவை நடிகரும் ஜனசேனா கட்சியின் தலைவருமான பவன் கல்யாண் நேரில் சந்தித்து தனது ஆதரவை தெரிவித்தார். இருவரும் வரும் ஹைதராபாத் ஜூபிளி ஹில்ஸ் பகுதியில் அமைந்துள்ள சந்திரபாபு நாயுடுவின் இல்லத்தில் சுமார் 2 மணிநேரம் வரை பேசினர். ஆந்திராவில் ஆட்சி செய்து வரும் ஜெகன் மோகன் ரெட்டிக்கு எதிராக இருவரும் கூட்டணி வைக்க உள்ளனரா என எதிர்பார்ப்புகள் நிலவி வருகின்றன.

ரஜினியின் ஆதரவு

இந்நிலையில், நடிகர் ரஜினிகாந்தும் சந்திரபாபு நாயுடுவை சந்தித்து தனது முழு ஆதரவை அளித்துள்ளார். அடுத்து வரும் சட்டசபை தேர்தலில் மீண்டும் சந்திரபாபு நாயுடு ஆட்சியை பிடிக்க தீவிரமான பல திட்டங்களை செயல்படுத்தி வரும் நிலையில், ரஜினிகாந்த், பவன் கல்யாண் உள்ளிட்ட பிரபலங்கள் அவரை சந்தித்து வருகின்றனர்.

டோலிவுட் ஹீரோ இணைவாரா

நெல்சன் இயக்கத்தில் ரஜினிகாந்த் நடித்து வரும் ஜெயிலர் படத்தின் ஷூட்டிங் படு வேகமாக நடைபெற்று வருகிறது. ஏற்கனவே அந்த படத்தில் கன்னட நடிகர் சிவராஜ்குமார் நடித்து வரும் நிலையில், மலையாள நடிகர் மோகன்லால் சமீபத்தில் ஜெயிலர் படத்தில் இணைந்துள்ளார். இந்நிலையில்,டோலிவுட்டில் இருந்து ஒரு முன்னணி நடிகர் இணைவாரா? என்கிற கேள்வியும் எழுந்துள்ளது.