அமெரிக்காவில் இருந்து சென்னை திரும்பிய ரஜினி: ரசிகர்களை சந்தித்து தீபாவளி வாழ்த்து

அமெரிக்கா

அமெரிக்காவில் தங்கி மருத்துவ பரிசோதனைகள் செய்து கொண்ட ரஜினிகாந்த் சனிக்கிழமை தனது மகளுடன் ஊர் திரும்பினார். அதிகாலை 4 மணிக்கு அவர் சென்னை விமான நிலையத்தில் வந்திறங்கினார்.

ஓய்வு

அமெரிக்காவில் இருந்து ஊர் திரும்பிய ரஜினிகாந்த் நேற்று முழுவதும் ஓய்வு எடுத்தார். ரஜினிகாந்த் சென்னை திரும்பிய செய்தி அறிந்த ரசிகர்கள் அவருக்கு தீபாவளி வாழ்த்து தெரிவிக்க போயஸ் கார்டனுக்கு வந்தனர்.

ரசிகர்கள்

ரசிகர்கள் தனது வீட்டு வாசலில் வந்து நிற்பதை அறிந்த ரஜினிகாந்த் காலை 10.30 மணிக்கு வெளியே வந்து ரசிகர்களை சந்தித்தார். ரஜினியை பார்த்த ரசிகர்கள் குதூகலமாகிவிட்டனர்.

வாழ்த்துக்கள்

ரசிகர்கள் ரஜினியுடன் கைகுலுக்கி வாழ்த்து தெரிவித்து மகிழ்ந்தனர். ரசிகர்களுடன் 10 நிமிடம் செலவு செய்த ரஜினி மீண்டும் வீட்டிற்குள் சென்றுவிட்டார். ரஜினி தீபாவளியை அமெரிக்காவில் கொண்டாடுவார் என்று கூறப்பட்ட நிலையில் அவர் ஊர் திரும்பியுள்ளார்.