தமிழ் புத்தாண்டில் சூப்பர் ஸ்டாரின் '2.0' டீசர்... அடுத்த சாதனைக்கு தயாராகும் ரசிகர்கள்!

இந்திய திரையுலகில் எந்தப் படத்தின் டீசருக்கும் கிடைக்காத வரவேற்பு சூப்பர் ஸ்டார் ரஜினியின் கபாலிக்குக் கிடைத்தது. மூன்று கோடிக்கும் அதிகமான பார்வைகள், 5 லட்சம் விருப்பங்கள் என கலக்கியது.

அடுத்து அந்த சாதனையை நெருங்கும் நிலையில்கூட எந்தப் படத்தின் டீசரும் இல்லை. பாகுபலி 2 ஒருவேளை நெருங்கலாம்... அல்லது தாண்டலாம்.

பாகுபலி ஏப்ரலில் ரிலீசாகிறது. அதே ஏப்ரலில் ரஜினியின் எந்திரன் 2 படம் வெளியாகிறது.

லைகா ப்ரொடக்‌ஷன்ஸ் தயாரிப்பில் பிரம்மாண்டமாக உருவாகி வரும் இப்படத்துக்கு ஏ.ஆர்.ரஹ்மான் இசையமைக்க, நீரவ் ஷா ஒளிப்பதிவு செய்கிறார்.

இந்நிலையில், படத்தின் கடைசி கட்ட படப்பிடிப்பு ஜனவரி 30-ம் தேதி சென்னையில் தொடங்குகிறது.

2.0 படத்தின் டீசரை தமிழ் புத்தாண்டு அன்று (ஏப்ரல் 14)-ம் தேதி வெளியிட படக்குழு முடிவு செய்துள்ளது.

படம் தீபாவளி விருந்தாக அக்டோபர் 19-ம் தேதி வெளியாகும் என இயக்குநர் ஷங்கர் ஏற்கெனவே கூறியது நினைவிருக்கலாம்.