ராம் கோபால் வர்மா "போய்ட்டாராமே"... வதந்தியைப் பரப்பிய பவன் கல்யாண் ரசிகர்கள்!

ராம் கோபால் வர்மா

தெலுங்கு இயக்குநர் மற்றும் சர்ச்சைகளுக்குப் பெயர்பெற்ற இயக்குநர் ராம் கோபால் வர்மா இறந்துவிட்டதாக தெலுங்குலகின் பவர்ஸ்டார் என்று பெயரெடுத்த பவன் கல்யாணின் ரசிகர்கள் சமீபத்தில் வதந்தியை பரப்பி உள்ளனர். மேலும் ராம் கோபால் வர்மாவின் இறுதி ஊர்வலம் நடப்பது போல புகைப்படங்களை உருவாக்கி அதனை ட்விட்டரில் ஷேர் செய்திருக்கின்றனர்.

ஒவ்வொரு ரசிகரும்

பவன் கல்யாணின் ஒவ்வொரு ரசிகரும் ராம் கோபால் வர்மா இறந்ததற்கு வருத்தம் தெரிவித்து கருத்து சொல்லவேண்டும்.மேலும் கண்டிப்பாக இந்தத் தகவலை மற்றவர்களுக்கு பகிர வேண்டும் என்று பகிரங்கமாக கோரிக்கை விடுத்திருக்கின்றனர்.

கொதித்த ராம் கோபால் வர்மா

இதனை அறிந்த ராம் கோபால் வர்மா தற்போது கொதிநிலைக்கு சென்றிருக்கிறார் படிப்பறிவில்லாத பவன் கல்யாண் ரசிகர்கள் மகேஷ்பாபு ரசிகர்களிடம் இருந்து கற்றுக் கொள்ளுங்கள் என்று காட்டமாக கூறியிருக்கிறார்.

மகேஷ்பாபு ரசிகர்களே

மகேஷ்பாபு ரசிகர்களுக்கு ஒரு கோரிக்கை படிப்பறிவு மற்றும் தொழிநுட்பத்தில் ஊனமுற்றவர்களாகத் திகழும் பவன் கல்யாண் ரசிகர்களுக்கு எனது ஆங்கில ட்வீட்களை மொழிபெயர்த்து சொல்லுங்கள் என்று மகேஷ்பாபு ரசிகர்களுக்கு கோரிக்கை விடுத்திருக்கிறார் ராம் கோபால் வர்மா.

பற்றி எரியும் டோலிவுட்

ராம் கோபால வர்மா விவகாரம் டோலிவுட் வட்டாரத்தில் தற்போது பெரும் புயலைக் கிளப்பி வருகிறது. இந்த விவகாரத்தில் ராம் கோபால் வர்மா பகிரங்கமாக பவன் கல்யாணையும் அவரது ரசிகர்களையும் திட்டியிருப்பதால் இந்த விவகாரம் பெரிதாக உருவெடுக்கலாம் என்று கூறுகின்றனர். சில நாட்களுக்கு முன்னர் கிராமங்களை தத்தெடுத்த விவகாரம் தொடர்பாக மகேஷ்பாபுவை ராம் கோபால் வர்மா விமர்சித்தது குறிப்பிடத்தக்கது.