'அய்யப்பனும் கோஷியும்' ரீமேக்கில் இவங்க நடிக்கிறாங்களாமே..! இதுல யாரு அய்யப்பன், யாரு கோஷி?

வரவேற்பு

ரஞ்சித், கவுரி நந்தா, அன்னா ராஜன், அணில் நெடுமங்காடு உட்பட பலர் நடித்திருந்தனர். இந்தப் படம் கேரளாவில் பலத்த வரவேற்பை பெற்றது. அதிகாரப் பின்னணி கொண்ட ஒருவனுக்கும் ஆதிவாசிப் பகுதியைச் சேர்ந்த சப் இன்ஸ்பெக்டருக்குமான ஈகோ மோதல்தான் படத்தின் கதை. படத்தை எவ்வளவு இயல்பாக கொடுக்க முடியுமோ, அவ்வளவு யதார்த்தமாக எடுத்திருந்தார்கள்.

ஈகோ மோதல்

அட்டப்பாடி வனப்பகுதியில் மதுபானங்கள் வைத்திருக்கத் தடை இருக்கிறது. அதை மீறி, அங்கிருந்து மதுபாட்டில்களுடன் ஊட்டி செல்லும் வழியில் போலீஸ் பரிசோதனையில், சப் இன்ஸ்பெக்டர் பிஜூ மேனனிடம் சிக்கிக் கொள்கிறார் பிருத்விராஜ். முன்னாள் ராணுவ வீரரான பிருத்வி, போலீஸை அடிக்கப் பாய, பிஜூவுக்கும் ஈகோ வெளிப்படுகிறது. பிறகு அடுத்தடுத்து என்ன நடக்கிறது என்பதை சொல்லும் படம் இது.

கதிரேசன்

இதில் இடம்பெற்றிருந்த, களக்காத்த சந்தனமேரம் வெகுவேகா பூத்திருக்கு என்ற பாடல் பட்டி தொட்டிங்கும் ஹிட்டாகி உள்ளது. இந்தப் பாடலை நஞ்சம்மா என்ற பழங்குடியினப் பெண் பாடியிருந்தார். இந்தப் படத்தின் தமிழ் ரீமேக் உரிமையை, தயாரிப்பாளர் பைவ் ஸ்டார் கதிரேசன் வாங்கியுள்ளார். இவர், பொல்லாதவன், ஆடுகளம், ஜிகிர்தண்டா உட்பட சில படங்களைத் தயாரித்தவர். சில படங்களில் நடித்தும் உள்ளார்.

தெலுங்கு ரீமேக்

தமிழ் ரீமேக்கில் சரத்குமாரும் சசிகுமாரும் நடிக்க இருப்பதாகக் கூறப்பட்டது. இதை கதிரேசன் மறுத்தார். இந்நிலையில் இதன் தெலுங்கு ரீமேக் உரிமையை, சித்தாரா என்டர் டெயின்மென்ட் நிறுவனம் பெற்றிருக்கிறது. இதில் பாலகிருஷ்ணாவும் ராணாவும் நடிக்க இருப்பதாகக் கூறப்படுகிறது. இருவரும் இந்தப் படத்தில் நடிக்க விருப்பம் தெரிவித்துள்ளனர். ஆனால் இன்னும் உறுதிப்படுத்தப்படவில்லை.