ரஜினி பட டிஸ்கசனுக்கே 3 லட்சமா?

ரஜினியின் புதிய படம்:

தமிழ் சூப்பர் ஸ்டார் ரஜினியின் புதிய படத்தை இயக்குனர் ரஞ்சித் இயக்க உள்ளார். ரஜினியின் கடைசி இரு படங்களான கோச்சடையான், லிங்கா இரண்டுமே சரியாகப் போகவில்லை எனவே ரஜினியின் பார்வை புதுமுக இயுக்குனர்களின் மீது திரும்பியுள்ளது.

அடித்தது ரஞ்சித்திற்கு அதிர்ஷ்டம்:

சென்னை மண்ணின் மைந்தனான ரஞ்சித்திற்கு அவரின் கடைசி படமான மெட்ராசால் அடித்தது அதிர்ஷ்டம். இந்தப் படத்தை பார்த்து தான் தனது அடுத்த படத்திற்கு ரஞ்சித்தை டிக் அடித்தார் ரஜினி.

டிஸ்கசனுக்கு 3 லட்சமா:

இப்படத்தில் ரஜினி தாதாவாக நடிப்பதால் காட்சிகளை புதிதாக ரஜினியின் ரசிகர்களுக்கு ஏற்ற மாதிரி அமைத்து வரும் ரஞ்சித் கதை பற்றிய டிஸ்கசனுக்காக 3 லட்சம் ரூபாய் செலவில் வாடகை வீடு ஒன்றை எடுத்திருக்கிறார்.

ரஜினுக்கு ஜோடி இல்லை:

ஆக்சனை மையமாகக் கொண்ட இப்படத்தில் ரஜினிக்கு ஜோடி கிடையாது என்றும் ரஜினிக்கு ஜோடி இல்லாவிடில் படம் நன்றாக இருக்காது அவசியம் ஒரு நாயகியை சேருங்கள் என்று சிலர் வலியுறுத்தி வருவதாக கோடம்பாக்கத்தில் ஒரு பேச்சு அடிபடுகிறது.

இசை அமைப்பாளர் மாறலாம்:

இந்த நிலையில், சந்தோஷ் நாராயணனுக்குப் பதிலாக இசைஞானி இளையராஜா இப்படத்திற்கு இசை அமைக்கலாம் என்று அதிகாரப் பூர்வமற்ற தகவல்கள் வலம் வந்து கொண்டு இருக்கின்றன.

எது எப்படியோ படம் நன்றாக வந்தால் ரசிகர்களுக்குச் சந்தோசம் தான்....