என் நெஞ்சில் குடியிருக்கும்.. அந்தவொரு வார்த்தை கேட்கத்தான் வெயிட்டிங்.. சென்னை வந்த ராஷ்மிகா!

வாரிசு பாடல்கள்

வாரிசு படத்திற்கு தமன் இசையமைத்துள்ளார். ஏற்கனவே வெளியான ரஞ்சிதமே, தீ தளபதி மற்றும் Soul of Varisu எனும் அம்மா பாடல் அனைத்துமே ஹிட் அடித்துள்ளன. மேலும், ராஷ்மிகாவுடன் ஒரு டூயட் பாடல், வாரிசு இன்ட்ரோ சாங் மற்றும் ஆல் தோட்ட பூபதி ரீமிக்ஸ் வெர்ஷன் உள்ளிட்ட பாடல்கள் வாரிசு படத்தில் உள்ளதாக தகவல்கள் வெளியாகி உள்ளன.

நேரு ஸ்டேடியத்திற்கு படையெடுப்பு

சென்னையில் உள்ள ரசிகர்கள் மட்டுமின்றி வெளி ஊர்களில் இருந்தும் வெளி மாநிலங்களில் இருந்தும் ஏகப்பட்ட ரசிகர்கள் தங்கள் தளபதி தரிசனத்திற்காக சென்னையில் உள்ள நேரு உள்விளையாட்டு அரங்கத்தை நோக்கி காலையிலேயே படையெடுத்து விட்டனர். டிக்கெட் வாங்காத ரசிகர்களும் விஜய் காரில் வருவதையாவது பார்த்து விட வேண்டும் என நேரு ஸ்டேடியத்தின் வாசலிலேயே காலையிலிருந்து தவம் கிடக்கின்றனர்.

சென்னை வந்த ராஷ்மிகா

வாரிசு படத்தின் ஹீரோயின் நடிகை ராஷ்மிகா சென்னை விமான நிலையத்திற்கு வந்து இறங்கிய வீடியோவும் சோஷியல் மீடியாவில் டிரெண்டாகி வருகிறது. வாரிசு படத்தில் மேலும், எந்த பிரபல செலிபிரிட்டி பங்கேற்க போகிறார் என்பது ரொம்பவே சஸ்பென்ஸாக உள்ளது. ரசிகர்களுடன் ராஷ்மிகா மந்தனா செல்ஃபி போட்டோக்களையும் எடுத்துக் கொண்டார்.

என் நெஞ்சில் குடியிருக்கும்

இன்றைய நிகழ்ச்சியில் நடிகர் விஜய் மைக்கை பிடித்து என் நெஞ்சில் குடியிருக்கும் நண்பா நண்பிகளே என பேசும் அந்த ஒரு வார்த்தையை கேட்கத்தான் ரசிகர்கள் வெயிட்டிங் என காலை முதலே #என்நெஞ்சில்குடிஇருக்கும் ஹாஷ்டேக் சோஷியல் மீடியாவில் டிரெண்டாகி வருகிறது.

ரசிகர்கள் எச்சரிக்கை

வாரிசு பட ஆடியோ வெளியீட்டு விழாவுக்கான டிக்கெட்டுகள் என போலியாக டிக்கெட் விற்பனை நடைபெற்று வருவதாக தகவல்கள் வெளியாகி வரும் நிலையில், ரசிகர்கள் காசு கொடுத்து ஏமாந்து போக வேண்டாம் என்றும் விஜய் மக்கள் இயக்கத்தினர் எச்சரிக்கை செய்து வருகின்றனர்.