நிவர் புயலுடன் ஜாலி ட்ரிப்.. இளம் இயக்குனர்களின் செல்பி அட்டகாசம்!

வித்தியாசமான கதை

இளம் இயக்குனர்கள் வித்தியாசமான கதைக் களத்தின் மூலம் ரசிகர்களை மட்டுமல்லாமல் திரையுலகினர் பலரையும் பிரமிக்க வைத்து வரும் நிலையில், இயக்குனர் லோகேஷ் கனகராஜ் இயக்குனராக அறிமுகமான மாநகரம் திரைப்படம் வெற்றி பெற்றதைத் தொடர்ந்து கைதி திரைப்படத்தை இயக்கி இருந்தார்.

மூன்றாவதாக மாஸ்டர்

தீபாவளிக்கு வெளியான கைதி திரைப்படம் வசூலில் சக்கைப் போடு போட்டு மாபெரும் வெற்றி பெற்றதையடுத்து இப்பொழுது மூன்றாவதாக மாஸ்டர் திரைப்படத்தை இயக்கி வருகிறார்.

மாஸ்டர்

லோகேஷ் கனகராஜ், விஜய் இருவரும் இணைந்த இந்த மாஸ்டர் திரைப்படத்தின் அறிவிப்பு வெளியானதில் இருந்தே பலரிடம் பெரும் எதிர்பார்ப்பு இருந்து வந்த நிலையில் இதன் பாடல்கள் மற்றும் சமீபத்தில் வெளியிடப்பட்ட டீஸர் போன்றவைகள் படத்தின் மீதான எதிர்பார்ப்பை மேலும் கூட்டியுள்ளது.

லோகேஷ் கனகராஜ் திட்டவட்டமாக

இதற்கிடையில் சூரரைப்போற்று, மூக்குத்தி அம்மன் என பெரிய திரைப்படங்கள் ஓடிடி தளத்தில் வெளியான நிலையில் மாஸ்டர் திரைப்படம் ஓடிடியில் வெளியிடப்படாது திரையரங்குகள் திறந்த பின்னர் திரையில் மட்டுமே வெளியாகும் என லோகேஷ் கனகராஜ் திட்டவட்டமாக கூறி இருந்தார்.

Thalapathy 64 | Rathnakumar trolls Lokesh kanagaraj | லோகேஷை கலாய்த்த ’ஆடை’ இயக்குநர் ரத்னகுமார்

மாஸ்டர்ஸ் ஸ்பெஷல் செல்பி

கோலிவுட்டே மாஸ் திரைப்படத்தின் வெளியீட்டுக்காக ஆர்வத்துடன் காத்துக் கொண்டிருக்கும் நிலையில், இயக்குனர் லோகேஷ் கனகராஜ் மற்றும் மேயாதமான் பட புகழ் இயக்குனர் ரத்ன குமார் இருவரும் பாண்டிச்சேரி கடற்கரையில் செம ஜாலியாக சுற்றியவாறு எடுத்துக் கொண்ட புகைப்படத்தை " புதுச்சேரி கச்சேரி... நிவர் புயலுடன் ஒரு செல்பி" என்று தலைப்பிட்டு ரத்ன குமார் தனது முகநூல் பக்கத்தில் வெளியிட்டுள்ளார். தமிழ் சினிமாவை கலக்கும் இரண்டு இளம் புயல்கள் ஒன்றாக எடுத்துக்கொண்ட இந்த அற்புதமான மாஸ்டர்ஸ் ஸ்பெஷல் செல்பி இப்பொழுது சமூக வலைதளங்களில் வைரலாகி வருகிறது.