காதலர் தினம் முடிந்த பிறகு... ‘காதலும் கடந்து போகும்’!

காதலர் தினம்...

அடுத்தவாரம் ஞாயிற்றுக்கிழமை காதலர் தினம் கொண்டாடப்பட உள்ள நிலையில், தலைப்பிலேயே காதல் பேசும் இப்படம் ரிலீசாகும் என அறிவிக்கப்பட்டிருந்தது.

தள்ளி வைப்பு...

ஆனால், தற்போது இப்படத்தின் ரிலீஸ் தேதி தள்ளி வைக்கப்பட்டுள்ளது. மார்ச் 11ம் தேதி இப்படத்தை ரிலீஸ் செய்ய படக்குழுவினர் முடிவு செய்துள்ளதாகத் தெரிகிறது.

விஜய் சேதுபதி...

இப்படத்தில் விஜய் சேதுபதியுடன் பிரேமம் பட நாயகி மடோனா, சமுத்திரக்கனி உள்ளிட்ட பலர் நடித்துள்ளனர். நலன்குமாரசாமி இயக்கியுள்ள இப்படத்திற்கு சந்தோஷ் நாராயணன் இசையமைத்துள்ளார்.

யு சான்றிதழ்...

சமீபத்தில் இப்படம் தணிக்கை குழுவிற்கு அனுப்பப்பட்டது. படத்தை பார்த்த குழுவினர் படத்திற்கு யு சான்றிதழ் வழங்கியுள்ளனர்.