365 "சுந்தரி"களுடன் சுந்தர் ராமு!

நாடக நடிகர், புகைப்படக் கலைஞர், பேஷன் போட்டோகிராபர், சினிமா நடிகர் என பல முகம் கொண்டவர் சுந்தர் ராமு.

இயக்குநர் செல்வராகவனிடம் இவர் நட்பு கொள்ள அது இவரை சினிமாவிற்கும் கொண்டு வந்தது. மயக்கம் என்ன, 3 என இரு படங்களில் இவரது நடிப்பும் பேசப்பட்டது.

நான் சிகப்பு மனிதன் படத்தில்தான் கடைசியாக நடித்தார். அதன் பின்னர் முழு நேரத்தையும் தற்போது புகைப்படங்களுக்காக செலவிட்டு வருகிறார்.

இடையில் மயக்கம் என்ன பட நாயகி ரிச்சா கங்கோபாத்யாவுடன் கிசுகிசு, ஆண்ட்ரியாவுடன் கிசு கிசு என சிக்கினார். ஆனால் இரண்டையும் அவர்கள் மறுத்தனர்.

இப்போது விதம் விதமான புகைப்படங்களையும், ஆல்பங்களையும் தயாரித்து வருகிறார். இதற்காக பெண்களை மட்டும் கான்செப்ட்டாக எடுத்துக் கொண்டு படு பிசியாக ஓடிக் கொண்டிருக்கிறாராம்.

இந்த ஆண்டில் 365 பேருடன் பணியாற்றப் போவதாக சபதம் எடுத்த அவர் அந்த இலக்கை நோக்கி விரைவாக போய்க் கொண்டிருக்கிறார். இதனால் இவரை சக கலைஞர்கள் சரியான பெண் பித்தரா இருப்பார் போலயே என்று கிண்டலடித்து வருகின்றனராம்.

இதுவரை 110 பெண்களுடன் இணைந்து பணியாற்றி விட்டாராம் சுந்தர் ராமு. இதுவரை அவர் இணைந்து பணியாற்றிய பெண்களில் மிகவும் இளம் வயதுக்காரர் 21 வயதுப் பெண்ணாம். அதிக வயதானவர் 105 வயது பாட்டியாம்.

தனது டார்க்கெட்டை பூர்த்தி செய்வதற்காக காலில் சக்கரம் கட்டாத குறையாக ஓடிக் கொண்டிருக்கிறாராம் சுந்தர் ராமு. தான் சந்திக்கும் பெண்களையெல்லாம் தனது இலக்குக்கு சரிப்பட்டு வருவாரா என்று கேமரா பார்வைப் பார்க்கவும் தவறுவதில்லையாம்.

இன்னும் என்னென்ன கிசுகிசுக்கள் வரப் போகிறதோ.