80களின் நடிகர் நடிகையர்கள் சந்திப்பு: ரஜினி, கமல் வரலையே?

6ம் ஆண்டு சந்திப்பு

சென்னையை அடுத்த ஆலீவ் கடற்கரை சாலையில் நீனா ரெட்டி விடுதியில் நேற்று சந்திப்பு நிகழ்ச்சிக்கு ஏற்பாடு செய்யப்பட்டிருந்தது. இந்த ஆண்டு நடிகைகள் லிசி, குஷ்பூ, சுகாஷினி ஆகியோர் நிகழ்ச்சிக்கு ஒருங்கிணைப்பாளர்களாக பொறுப்பேற்றிருந்தனர்.

செந்நிற ஆடையில்

இந்த முறை முழுக்க சிவப்பு நிறத்திலான ஆடைகள் அணிந்து கொண்டு நடிகர், நடிகைகள் நிகழ்ச்சியில் பங்கேற்றனர். விருந்து நிகழ்ச்சிக்கும் ஏற்பாடு செய்யப்பட்டிருந்தது.

சிரஞ்சீவி-மோகன்லால்

தென்னக நடிகர்கள் மோகன்லால், சீரஞ்சிவி, வெங்கடேஷ் ஆகியோரும் நிகழ்வில் பங்கேற்றனர். சிறப்பு அழைப்பாளர்களான ஹிந்தி நடிகர் ஜாக்கி ஷெராப், பூனம் தில்லான் ஆகியோரும் பங்கேற்றனர்.

80 நடிகர் நடிகையர்கள்

நடிகர்கள் சத்யராஜ், ரகுமான், பாக்யராஜ், நடிகைகள் பார்வதி, ஜெயசுதா ஆகியோர் முதல் முறையாக இந்த நிகழ்ச்சியில் கலந்து கொண்டனர். இங்கு கூடிய ஹீரோ- ஹீரோயின்கள் கூடி பழங்கதைகள் பேசி மகிழ்ந்தனர்.

ரஜினி - கமல்

ஆண்டுதோறும் இந்த சந்திப்பு நிகழ்ச்சியில் பங்கேற்று வந்த நடிகர்கள் ரஜினிகாந்த், கமல்ஹாசன் ஆகியோர் இந்த ஆண்டு நிகழ்வில் பங்கேற்கவில்லை.