அடுத்த வார கேப்டன் யாரு.. இந்த முறையும் சோம் சொதப்பல்.. இந்த வாரம் கண்டிப்பா கிளம்ப வேண்டியதுதான்!

கேப்டன் போட்டிக்கு

அடுத்த வாரம் கேப்டன் யார் என்கிற போட்டிக்கு ஹவுஸ்மேட்களால் ரியோ, சோமசேகர் மற்றும் ஆஜீத் நாமினேட் செய்யப்பட்டனர். கேப்டன் என்கிற வார்த்தையை யார் முதலில் எடுக்கிறார்களோ அவர் தான் அடுத்த வார கேப்டன் என்கிற மொக்கை டாஸ்க் கொடுக்கப்பட்டது. மூவரும் களமிறங்கி போட்டியிட்டனர்.

சொதப்பிய சோம்

இந்த வாரமாவது கேப்டனாக சோமசேகர் ஆக வேண்டும் என நினைத்து ஹவுஸ்மேட்கள் சோமசேகருக்கு அதிக ஓட்டுக்கள் போட்டு அவரை நாமினேட் செய்தனர். ஆனால், படு மொக்கையாக விளையாடி தனக்கு கிடைத்த மற்றொரு வாய்ப்பையும் சோம் தவறவிட்டார். இதுவரை ஒரு முறை கூட சோம் தலைவராகவில்லை.

டைட்டிலுக்கு தகுதியில்லை

இப்போது இருக்கும் போட்டியாளர்களில் இதுவரை கேப்டன் ஆகாமல் இருப்பது சோமசேகரும், கேபியும் தான். அந்த அளவுக்கு ஒரு முறை கூட கேப்டன் டாஸ்க்கில் இவர்கள் வெற்றியே பெறவில்லை. பாலா சொல்வதை போலவே நிஜமாவே கடலை சாப்பிட்டுக் கொண்டிருப்பது சோம் தான் போல, சிறைக்கும் செல்லவில்லை. கேப்டனும் ஆகவில்லை. இருவருக்கும் டைட்டில் கிடைக்க வாய்ப்பே இல்லை என்கின்றனர்.

கிளம்புங்க ஆஜீத்

இந்த வாரம் பிக் பாஸ் வீட்டில் டபுள் எவிக்‌ஷன் இருக்குமா? என்று தெரியவில்லை. ஆனால், ஆஜீத் தான் வெளியேறுவார் என்பது நூறு சதவீதம் உறுதியாகி உள்ளது. இத்தனை வாரங்கள் அவர் தாக்குப் பிடித்ததே பெரிய விஷயம். ஷிவானியையும் சேர்த்தே அனுப்பினால் சிறப்பாக இருக்கும் என ரசிகர்கள் விரும்பி வருகின்றனர். அடுத்த வாரம் கேப்டனாக ஆஜீத்தை மாற்றி சேவ் செய்ய ஹவுஸ்மேட்கள் எடுத்த முயற்சியும் வீண் ஆனது.

ஹாட்ரிக் கேப்டன்

பிக் பாஸ் வீட்டில் மூன்றாவது முறையாக ரியோ கேப்டன் ஆகியுள்ளார். சோமுக்காக ரியோ விட்டுக் கொடுத்து எல்லாம் விளையாடவில்லை. குரூப்பாக இருந்தாலும், தனக்கான ஆட்டத்தை மட்டுமே விளையாடுவதில் குறியாக இருந்து வரும் ரியோ, கேப்டன் டாஸ்க்கில் வெற்றி பெற்று அடுத்த வார தலைவர் ஆகிவிட்டார்.

இறுதிச்சுற்றுக்கு ரியோ

இன்னும் இரு வாரங்களே எஞ்சியுள்ள நிலையில், அடுத்த வாரம் ரியோ கேப்டன் ஆன காரணத்தால், விஜய் டிவி அவரை அழகாக இறுதிச்சுற்றுக்கு அனுப்பி வைக்கிறது. ஃபைனல்ஸுக்கு ரியோ போகும் பட்சத்தில் இந்த சீசன் டைட்டிலையும் ரியோவுக்கே விஜய் டிவி கொடுக்கப் போகிறதா? இல்லை ரம்யாவுக்கு கொடுக்குமா? என்கிற கேள்வி எழுந்துள்ளது.