அதுக்குதான கொடுக்குறாங்க துட்டு... பாக்ஸ் ஆபிஸ் கவலை ரசிகர்களுக்கு எதுக்கு..?: விளாசிய ஆர்ஜே பாலாஜி

பிஸியான ஆர்ஜே பாலாஜி

பிரபலமான FM சேனலில் ரேடியோ ஜாக்கியாக ரசிகர்களை கவர்ந்த ஆர்ஜே பாலாஜி, ஸ்போர்ட்ஸ் கமெண்ட்ரிகளிலும் கலக்கி வருகிறார். ஆரம்பத்தில் சின்ன சின்ன கேமியோ ரோலில் சினிமாவில் முகம் காட்டிய அவர், பின்னர் முழுநேர காமெடியானாகவும் கலக்கினார். நானும் ரவுடிதான் படத்தில் விஜய் சேதுபதி, நயனுடன் இணைந்து காமெடியில் ரகளை செய்த ஆர்ஜே பாலாஜியின் நடிப்புக்கு ரசிகர்களிடம் நல்ல வரவேற்பு கிடைத்தது.

ஹீரோ கம் டைரக்டர்

தொடர்ந்து பல படங்களில் காமெடி கேரக்டரில் நடித்து வந்த ஆர்ஜே பாலாஜி, எல்கேஜி படத்தில் ஹீரோவாகவும் என்ட்ரி கொடுத்தார். அதேநேரம் நயன்தாரா நடிப்பில் மூக்குத்தி அம்மன் படத்தின் கதை, திரைக்கதை எழுதி அதில் இணை இயக்குநராகவும் மாஸ் காட்டினார். இந்தப் படம் சூப்பர் ஹிட் அடித்தது. அடுத்து வந்த வீட்ல விசேஷம் திரைப்படமும் ஆர்ஜே பாலாஜிக்கு கை கொடுத்தது. தொடர்ச்சியாக சிங்கப்பூர் சலூன், ரன் பேபி ரன் ஆகிய படங்களில் நடித்துள்ள ஆர்ஜேபி, ரசிகர்களுக்கு முக்கியமான அட்வைஸ் ஒன்றை கூறியுள்ளார்.

பாக்ஸ் ஆபிஸ் சண்டை எதுக்கு

சமீபத்தில் ஒரு நிகழ்ச்சியில் பேசியிருந்த ஆர்ஜே பாலாஜி, ரசிகர்கள் தங்களது ஹீரோக்களின் படங்கள் பாக்ஸ் ஆபிஸில் எவ்வளவு வசூலித்தது என ஏன் ஆர்வம் காட்ட வேண்டும். எந்தெந்த நாடுகளில் எவ்வளவு வசூல், எது சாதனை என அவர்களது நேரத்தை வீணாக்கி வருகின்றனர். இங்கே எல்லா நடிகர்களும் கோடிக்கணக்கில் பணம் சம்பளமாக வங்கிக் கொண்டுதான் நடிக்கிறார்கள். நியாயமாக அவர்கள் தான் பாக்ஸ் ஆபிஸ் வசூல் குறித்து தெரிந்துகொள்ள வேண்டும் எனக் கூறியுள்ளார்.

விஜய், அஜித் ரசிகர்களுக்கு தான் அட்வைஸ்ஸா?

மேலும், சீனாவை விட இந்திய மக்கள் தொகை அதிகரித்துள்ளது. அதுமட்டும் இல்லாமல் உலகம் முழுவதும் ஆயிரக்கணக்கான வேலையிழப்புகள் நடக்கின்றன. இதற்கெல்லாம் என்ன காரணம், நமது எதிர்காலம் எப்படி இருக்க வேண்டும் என சிந்திப்பதை விட்டுவிட்டு பாக்ஸ் ஆபிஸ் பத்தி யோசிப்பதும் அதற்காக நேரத்தை செல்வழிப்பதும் தேவையற்றது என கருத்து தெரிவித்துள்ளார். பொங்கலுக்கு வெளியான வாரிசு, துணிவு பாகஸ் ஆபிஸ் வசூல் குறித்து விஜய் - ரசிகர்கள் சண்டையிட்டு வருகின்றனர். அவர்களை குறிவைத்து தான் ஆர்ஜே பாலாஜி அட்வைஸ் செய்துள்ளாரா என நெட்டிசன்கள் கேள்வியெழுப்பி வருகின்றனர்.