ஆஸ்கர் ரேசில் ஆர்ஆர்ஆர்... ஆனாலும்... இந்த கேள்வி சரி தானே?

ஹாலிவுட் எழுத்தாளர் பாராட்டு

சமீபத்தில் டாக்டர் ஸ்டிரேஞ்சர்ஸ் பட திரைக்கதை எழுத்தாளர் ஜான் ஸ்பெயிட்ஸ் தனது ட்விட்டர் பக்கத்தில், ஆர்ஆர்ஆர் படத்தை பார்த்த விட்டு 2 நாள் வரை அதை மறக்க முடியவில்லை என குறிப்பிட்டு பாராட்டி இருந்தார். வெளிநாட்டினரையும் ஆர்ஆர்ஆர் படம் அதிகம் வசீகரித்துள்ளது.

ஆஸ்கர் பட்டியலில் ஆர்ஆர்ஆர்

இந்நிலையில் 2023 ம் ஆண்டிற்கான ஆஸ்கர் விருது பரிந்துரை பட்டியலில் ஆர்ஆர்ஆர் படமும் இடம்பெற்றுள்ளதாக தகவல் வெளியாகி உள்ளது. சிறந்த சர்வதேச படத்திற்கான பிரிவில் இந்த படம் பரிந்துரை செய்யப்பட்டுள்ளதாக சொல்லப்படுகிறது. இதுவரை கிடைத்துள்ள தகவல்களின் அடிப்படையில் பார்த்தால் ஆர்ஆர்ஆர் படத்தில் ஆஸ்கர் விருது கிடைப்பதற்கான வாய்ப்புள்ளதாக சொல்லப்படுகிறது.

வேற எந்த படமெல்லாம் இருக்கு

ஆர்ஆர்ஆர் தவிர, பிரான்ஸ் நாட்டின் 'Both Sides of the Blade', 'One Fine Morning', ஆஸ்திரியாவின் 'Corsage', கொரியாவின் 'Decision to Leave', டென்மார்க்கின் 'Holy Spider', பெல்ஜியத்தின் 'Tori and Lokita', பொலிவியாவின் 'Utama' போன்ற படங்களும் ஆஸ்கர் விருது போட்டியில் இடம்பெற்றுள்ளனவாம்.

இந்த கேள்வி சரியானது தானே

ஆர்ஆர்ஆர் படம் ஆஸ்கர் விருது பரிந்துரை பட்டியலில் சேர்க்கப்பட்டிருந்தாலும், Danny Boyle இயக்கிய ஸ்லம்டாக் மில்லினர் படம் சிறந்த படம், சிறந்த டைரக்டர், சிறந்த பின்னணி இசை உள்ளிட்ட 8 பிரிவுகளில் ஆஸ்கர் விருதினை வென்றது. ஆனால் அது போல் ஆர்ஆர்ஆர் படம் ஏன் முக்கியமான பிரிவுகளின் கீழ் விருதுகளுக்காக பரிந்துரையில் இடம்பெறவில்லை என பல வெளிநாட்டு ஆஸ்கர் பரிந்துரையாளர்கள் கேள்வி எழுப்பி வருவதாக சொல்லப்படுகிறது.

ஆஸ்கர் விருது கிடைக்க வாய்ப்பு

இந்தியா சார்பில் அதிகாரப்பூர்வமாக ஆர்ஆர்ஆர் படம் பரிந்துரை செய்யப்பட்டு அனுப்பப்பட்டால் ஆஸ்கர் விருது ரேசில் ஆர்ஆர்ஆர் இன்னும் முன்னேறுவதற்கு அதிக வாய்ப்புள்ளதாக சொல்லப்படுகிறது. நமது பக்கமிருந்து அழுத்தம் அதிகரித்தால் ஆஸ்கர் பரிந்துரை கமிட்டியும் ஆர்ஆர்ஆர் படத்தை கருத்தில் கொள்ள வாய்ப்புள்ளதாக சொல்லப்படுகிறது.