சூர்யா ரசிகர்களுக்கு தீபாவளி விருந்து.. 'எஸ்-3' மோஷன் போஸ்டர் வெளியீடு

சென்னை: சூர்யா ரசிகர்களுக்கு தீபாவளி விருந்தாக 'எஸ்-3' மோஷன் போஸ்டர் நள்ளிரவில் வெளியிடப்பட்டது.

சூர்யா - ஹரி கூட்டணியில் வெளிவந்த சிங்கம், சிங்கம் 2 படத்தைத் தொடர்ந்து, அதன் மூன்றாம் பாகமான எஸ்-3 உருவாகி வருகிறது. இப்படத்தில் ஸ்ருதிஹாசன், அனுஷ்கா ஷெட்டி, விவேக், சூரி, ராதிகா சரத்குமார், ராதாரவி, நாசர் உள்ளிட்டோர் நடித்துள்ளனர். ஸ்டுடியோ கிரீன் தயாரிப்பில் உருவாகி வரும் இப்படத்திற்கு ஹாரிஸ் ஜெயராஜ் இசையமைத்துள்ளார்.

வருகிற டிசம்பர் 16-ந் தேதி இப்படத்தை வெளியிடுவதாக அதிகாரப்பூர்வமாக அறிவிக்கப்பட்டுள்ளது. இந்த நிலையில் இப்படத்தின் டீசர் ரிலீஸ் தேதியை மோஷான் போஸ்டர் மூலமாக வெளியிட்டுள்ளனர். தீபாவளிக்கு சூர்யாவின் ரசிகர்களுக்கு இந்த மோஷன் போஸ்டர் நல்ல விருந்தாக இருக்கும் என எதிர்பார்க்கப்படுகிறது.