தீபாவளி நாளில் சூர்யா - ஹரியின் 'எஸ் 3' டீசர்!

சிங்கம் 3 படத்தின் ஷூட்டிங் முடிந்து, போஸ்ட் புரொடக்ஷன் பணிகள் தொடங்கிவிட்டன.

சூர்யாவுக்கு இந்தப் படம் ரொம்ப முக்கியம். அஞ்சான், மாசு அதிர்ச்சியிலிருந்து 24-ல் ஓரளவு மீண்டாலும், ஒரு அதிரடியான வெற்றியை சிங்கம் 3 தரும் என நம்புகிறார், எதிர்ப்பார்க்கிறார்.

இந்தப் படத்தை சோலோவாக டிசம்பரில் களமிறக்கத் திட்டமிட்டுள்ளனர்.

இப்போது படத்தின் முதல் டீசரை கட் பண்ணும் வேலையில் படத்தின் எடிட்டர் பிஸியாகிவிட்டார்.

வரும் தீபாவளி தினத்தன்று சிங்கம் 3 -ன் முதல் டீசர் வெளியாகவிருக்கிறது. இதனை கிட்டத்தட்ட பட வெளியீட்டுக்கு இணையான முக்கியத்துவத்துடன் வெளியிடுகிறார் ஞானவேல்ராஜா.

சூர்யாவுடன் அனுஷ்கா, ஸ்ருதி ஹாஸன், சூரி, அனூப் சிங் உள்ளிட்டோர் நடித்துள்ள இந்தப் படம் வரும் டிசம்பர் 16-ம் தேதி வெளியாகும் எனத் தெரிகிறது.