பெருமாள் பிச்சை மகன் ராவண பிச்சையாக மிரட்டும் பாபி சிம்ஹா... லீக் ஆன 'சாமி 2' படங்கள்!

பெருமாள் பிச்சை

மிகப்பெரிய வெற்றி பெற்ற 'சாமி' படத்தில் கோட்டா சீனிவாசராவ், பெருமாள் பிச்சை என்ற வேடத்தில் வில்லனாக நடித்திருந்தார். விக்ரமுக்கும் கோட்டா சீனிவாசராவுக்கும் இடையேயான வசனங்கள் நல்ல வரவேற்பைப் பெற்றன.

கோட்டா சீனிவாசராவ்

கோட்டா சீனிவாசராவின் மிரட்டலான நடிப்பு சாமி படத்திற்கு பலமாக அமைந்தது. இந்த நிலையில் தற்போது சாமி படத்தின் இரண்டாம் பாகம் தயாராகிக்கொண்டிருக்கிறது. இந்தப் படத்தில் கோட்டா சீனிவாசராவ் நடிக்கவில்லை.

பாபி சிம்ஹா

வில்லனாக கோட்டா சீனிவாசராவின் மகனாக பாபி சிம்ஹா, ராவண பிச்சை என்ற வேடத்தில் நடிக்கிறார். அந்த வகையில், பாபி சிம்ஹாவின் வில்லன் வேடம் மிக மிரட்டலாக உருவாக்கப்பட்டிருக்கிறதாம்.

பேனர் காட்சிகள்

சமீபத்தில், சென்னை மற்றும் பழனி பகுதிகளில் நடைபெற்ற ஷூட்டிங்கின்போது எடுக்கப்பட்ட சில புகைப்படங்கள் சமூக வலைதளங்களில் வைரலாகி வருகின்றன. அதில் படத்தில் இடம்பெறும் பேனர்களும் இடம்பெற்றுள்ளன.

பெருமாள் பிச்சையின் மகன்கள்

இந்தப் படத்தில் பிரபு, சூரி உள்ளிட்ட பலர் நடித்திருக்கிறார்கள். பெருமாள் பிச்சையின் மகன்களாக மகேந்திர பிச்சை, ராவண பிச்சை, தேவேந்திர பிச்சை ஆகிய கேரக்டர்களில் பாபி சிம்ஹா உள்ளிட்ட மூவர் நடிக்கிறார்கள்.