திருமணம் பற்றி கேட்டவர்களுக்கு சாய் பல்லவி கொடுத்த பதில்

சாதனை படைத்த ரவுடி பேபி

தமிழில் தனுஷுடன் மாரி 2, சூர்யாவுடன் என்ஜிகே, கரு உள்ளிட்ட படங்களில் நடித்தார் சாய் பல்லவி. இவற்றில் மாரி 2 படத்தில் இடம்பெற்ற ரவுடி பேபி பாடல் யூட்யூப்பில் 200 மில்லியன் பார்வைகளை பெற்று, புதிய சாதனையே படைத்து விட்டது. யூட்யூப்பில் அதிக பார்வைகளை பெற்ற பாடல்களின் வரிசையில் ரவுடி பேபி பாடல் தான் நீண்ட நாட்களாக முதலிடத்தில் இருந்தது.

பாராட்டை பெற்ற சாய் பல்லவி நடிப்பு

நெட்ஃப்ளிக்சில் வெளியிடப்பட்ட வெற்றிமாறனின் பாவ கதைகள் படத்தில், கவுரவ கொலையால் பாதிக்கப்பட்ட பெண்ணாக நடித்த சாய் பல்லவியின் நடிப்பு பெரிய அளவில் பாராட்டை பெற்றது. தற்போது தெலுங்கில் லவ் ஸ்டோரி உள்ளிட்ட பல படங்களில் நடித்து வருகிறார் சாய் பல்லவி.

Recommended Video

Asin நடிக்க வேண்டிய படத்தை தண்டிப்பறித்த Sai Pallavi | Premam, Alphonse Puthren

நீலகிரியில் ஹால்ட்

தற்போது சாய் பல்லவி, தனது சொந்த ஊரான நீலகிரி மலையில் உறவினரின் திருமணத்திற்காக சென்றுள்ளார். அங்கு தனது குடும்ப உறுப்பினர்கள் மற்றும் நண்பர்களுடன் எடுத்துக் கொண்ட ஜாலி ஃபோட்டோக்களை இன்ஸ்டாகிராமில் பதிவிட்டுள்ளார் சாய் பல்லவி.

படுகர் மொழியில் கேப்ஷன்

அத்துடன், மதுவே ஸ்குவாட் என்ற கேப்ஷனை பதிவிட்டுள்ளார். சாய் பல்லவியின் தாய் மொழியான படுகர் மொழியில் இந்த வார்த்தைக்கு, திருமணமும் அதன் பட்டாளமும் என அர்த்தமாம். சாய் பல்லவியின் இந்த ஃபோட்டோக்களை அவரது ரசிகர்கள் கொண்டாடி வருகின்றனர்.

திருமணத்திற்கு இதுதான் பதிலாம்

ரசிகர்கள் பலர் சாய் பல்லவியிடம் அடிக்கடி அவரது திருமணம் பற்றி கேள்வி கேட்டு வருகிறார்களாம். அப்படி கேட்பவர்களுக்கு பதில் அளிக்கவே சாய் பல்லவி இந்த ஃபோட்டோக்களை பதிவிட்டுள்ளதாக கூறப்படுகிறது.