முகப்பு

செய்திகள்

சென்னை: ஐஸ்வர்யா ராஜேஷ், அடாவடி பெண்ணாக நடிக்கும் படத்தை இயக்கி இருக்கிறார் 'சலீம்' நிர்மல்குமார்.

தமிழில் விஜய் ஆண்டனி நடித்த 'சலீம்' படத்தை இயக்கியவர் நிர்மல் குமார். அடுத்து அரவிந்த்சாமி, த்ரிஷா நடிப்பில்,'சதுரங்க வேட்டை' படத்தின் இரண்டாம் பாகத்தை இயக்கினார். இந்தப் படம் இன்னும் வெளியாகவில்லை. இப்போது சரத்குமார், சசிகுமார் நடிக்கும் 'நா நா' என்ற படத்தை இயக்கி வருகிறார். இதற்கிடையே சத்தம் போடாமல், 'மிஸ் மேட்ச்'(Mis Match) என்ற தெலுங்கு படத்தை இயக்கி முடித்திருக்கிறார் நிர்மல் குமார். வரும் வெள்ளிக்கிழமை ரிலீஸ் ஆகிறது படம்.

''சலீம்'படத்தை ரீமேக் பண்ணலாம்னுதான் தெலுங்குக்கு போனேன். விஜய் ஆண்டனி கேரக்டர்ல, வெங்கடேஷ் நடிக்கிறதா இருந்தது. எல்லாம் ரெடியான நேரத்துல சில காரணங்களால் அந்தப் படம் தள்ளிப் போச்சு. பிறகுதான் 'மிஸ் மேட்ச்' வாய்ப்பு வந்தது' என்கிறார், நிர்மல் குமார்.

அரவிந்த் சாமிக்கு ஒரு விருது.. லிஜன்ட் ஆப் தி இந்தியன் சினிமா

'இந்தப் படத்துல கிராமத்துல இருந்து வர்ற அடாவடி பொண்ணுக்கும் அமைதியான பையன் ஒருத்தருக்கும் நடக்கிற காதல், மோதல், பயணத்தை கதையா சொல்றேன். அடாவடி பொண்ணா ஐஸ்வர்யா ராஜேஷ் நடிச்சிருக்கிறாங்க. சும்மாவே நடிப்புல மிரட்டுவாங்க. இதுல கேட்கவே வேண்டாம். ஆர்ப்பாட்டம் பண்ணியிருக்காங்க. அமைதியான பையனா, உதய சங்கர் நடிச்சிருக்கிறார். அவருக்கு இது இரண்டாவது படம். கிஃப்டன் இலியாஸ் இசை அமைச்சிருக்கிறார். 'சலீம்' கேமராமேன் கணேஷ் சந்திரா ஒளிப்பதிவு பண்ணியிருக்கார்.

தெலுங்கு ரிலீஸை அடுத்து இந்தப் படத்தை தமிழ்ல ரீமேக் பண்ற ஐடியாவும் இருக்கு'என்கிற நிர்மல் குமாரிடம், 'சதுரங்க வேட்டை 2' பற்றி கேட்டால், 'படத்தை முடிச்சுக் கொடுத்து ரொம்ப நாளாச்சு பாஸ். ரிலீஸ் பற்றி தயாரிப்பாளர் மனோ பாலாவுக்குத்தான் தெரியும்' என்கிறார், புன்னகைத்தபடி.