மலையாளத்தில் என்ட்ரி கொடுக்கும் சமந்தா...யாருக்கு ஜோடி தெரியும்?

அக்ஷய் குமாருடன் ஆட்டம்

சமீபத்தில் காஃபி வித் கரண் நிகழ்ச்சியில் கலந்து கொண்ட சமந்தா, அக்ஷய் குமாருடன் ஊ சொல்றியா மாமா பாடலுக்கு நடனமாடி பரபரப்பை கிளப்பினார். அதோடு தனது தனிப்பட்ட வாழ்க்கை பற்றி பல விஷயங்களை அவர் பகிர்ந்து கொண்டார். குறிப்பாக கணவர் நாக சைதன்யா பற்றி இவர் தெரிவித்த கருத்துக்கள் பரபரப்பாக பேசப்பட்டன.

மல்லுவுட்டில் என்ட்ரியாகும் சமந்தா

இந்நிலையில் தற்போது சமந்தா பற்றிய புதிய தகவல் ஒன்று வெளியாகி அவரது ரசிகர்களை குஷிப்படுத்தி உள்ளது. டோலிவுட், கோலிவுட், பாலிவுட்டை தொடர்ந்து அடுத்ததாக மல்லுவுட்டிலும் சமந்தா என்ட்ரி கொடுக்கிறார். மலையாளத்தில் அறிமுகமாகும் முதல் படத்திலேயே நடிகர் துல்கர் சல்மானுக்கு ஜோடியாக நடிக்க உள்ளார்.

சமந்தாவின் அடுத்த படம்

சமந்தா - துல்கர் சல்மான் நடிக்கும் படத்திற்கு King of Kotha என டைட்டில் வைக்கப்பட்டுள்ளது. டைரக்டர் அபிலாஷ் ஜோஷி இயக்கும் இந்த படம் கேங்ஸ்டர் கதையை அடிப்படையாகக் கொண்டது என சொல்லப்படுகிறது.

வரிசையாக எத்தனை படங்கள்

கடைசியாக தமிழில் விஜய் சேதுபதி - நயன்தாரா நடித்த காத்து வாக்குல ரெண்டு காதல் படத்தில் நடித்த சமந்தா, சயின்ஸ் ஃபிக்சிங் த்ரில்லர் படமான யசோதா படத்தில் நடித்து முடித்துள்ளார். அடுத்ததாக விஜய் தேவரகொண்டாவிற்கு ஜோடியாக குஷி படத்தில் நடித்து வருகிறார். டைரக்டர் குணசேகர் இயக்கும் சாகுந்தலம் படத்திலும் சமந்தா லீட் ரோலில் நடித்து வருகிறார்.

தெலுங்கிலும் செம பிஸி

துல்கர் சல்மான், கடைசியாக தெலுங்கில் சீதா ராமம் படத்தில் நடித்தார். ரொமான்டிக் படமாக இந்த படம் இன்று ரிலீசாகி உள்ளது. இந்த படத்தில் மிருனல் தாகூர், ராஷ்மிகா மந்தனா, சுமந்த் உள்ளிட்டோர் நடித்துள்ளனர். வெப் சீரிஸ் சிலவற்றிலும் துல்கர் சல்மான் நடிக்கிறார்.