யாருக்கிட்டேயும் சொல்லக்கூடாதுன்னு சொல்லிட்டு.. நீங்களே ரூல்ஸ பிரேக் பண்ணா எப்டி? வசமா சிக்கிய ரியோ!

யார் யாருக்கு கால்?

அதாவது பிக்பாஸ் வீட்டில் டாஸ்க் தொடங்கியதுமே, வீட்டின் கேப்டனான ரியோ, வாடிக்கையாளர்களாக இருந்த போட்டியாளர்களை கொண்டு ரகசிய மீட்டிங் நடத்தியுள்ளார் ரியோ. அதில் யார், யாருக்கு கால் செய்வது என்பது குறித்து பேசியுள்ளனர்.

ரூல்ஸை மீறிய ரியோ

அப்போது ரியோ ஆஜித்திடம் பேசுவதாகவும், சனம் சம்யுக்தாவிடம் பேசுவதாகவும், ஆரி ஷிவாயிடம் பேசுவதாகவும் முடிவு செய்யப்பட்டுள்ளது. இதை யாரிடம் ஷேர் பண்ணிக்க வேண்டாம் என்று கூறிய ரியோ, தான் மட்டும் ரூல்ஸை மீறி ஆஜித்திடம் தான் கால் செய்ய போவதாக கூறியுள்ளார்.

நீங்களே பிரேக் பண்ணா எப்டி?

ரியோ, ஆஜித்திடம் பேசியதை கேட்ட சனம் அப்போதே கேட்காமல் நேற்றைய எபிசோடில் டாஸ்க் முடிந்த பிறகு கேட்டார். நீங்களே ரூல்ஸ செட் பண்ணீங்க, நீங்களே அதை மீறினால் எப்படி என்று கேட்டார். மேலும் ஆஜித்திடம் நீங்கள் சொன்னது ஏன் என்றும் எல்லோருக்கும் முன்னால் வைத்த கேட்டார் சனம்.

ஆரி கருத்து

அதனைக் கேட்ட ரியோ, எனக்கு தோனுச்சு நான் சொன்னேன் என்றார். எங்களை ஏன் சொல்ல வேண்டாம் என ஆர்டர் போட்டிங்க என்று கேட்க, நான் ஆர்டர் போடலையே என்றார் ரியோ. உடனே ஆரி, இல்ல ரியோ நீங்க சொல்ல வேண்டாம் என்றுதான் சொன்னீர்கள், அதனால்தான் எல்லாரும் சொல்லும் போது எனக்கு டவுட் வந்தது என்றார்.

ஆஜித்துக்கு ஃபேவரிசம்

அதற்கு பதில் சொல்ல ரியோ, அப்படியா புரோ, நான் சாதாரணமா தான் சொன்னேன் என்றார். மீண்டும் சனம் அதையே கேட்க, அவர் ரொம்ப வருத்தப்பட்டார், டென்ஷனாக இருந்தார். அதனால் நான்தான் காலர் என்று சொன்னேன் என்றார். மேலும் நான் ஆஜித்துக்கு ஃபேவரிசம் பண்ணேன் என்று கூறியும் சனத்தை வெறுப்பேற்றினார்.

Recommended Video

Aari or Bala? Who is the hero | BIG BOSS TAMIL | Filmibeat Tamil

செம ஃபார்மில் சனம்

இதனைக் கேட்ட சனம், உண்மையிலேயே சொல்கிறீர்களா அல்லது நக்கலாய் சொல்கிறீர்களா என்றார். அதற்கு உண்மையைதான் சொல்கிறேன் என்றார் ரியோ. தொடர்ந்து, சாம் நான் உங்கக்கிட்ட முன்னாடியே சொல்லியிருக்கணும் ஆனால் சொல்லவில்லை சாரி என்றார். மேலும் ஷிவானியிடமும் ஆரிதான் உங்களுக்கு கால் பண்ணுவார் என்றார்.