ஶ்ரீதேவிக்கு கடற்கரையில் மணல் சிற்பம்... பிரபல சிற்பக்கலைஞர் சுதர்ஷன் பட்நாயக் அஞ்சலி!

ஶ்ரீதேவி

தமிழ் மொழியில் குழந்தை நட்சத்திரமாக அறிமுகமான நடிகை ஸ்ரீதேவி, தெலுங்கு மற்றும் இந்தி என பல மொழிகளில் நடித்துள்ளார். கமல், ரஜினி, சிரஞ்சீவி மற்றும் ரிஷிகபூர் என இந்திய சினிமாவில் பல உச்சநட்சத்திரங்களுடன் நடித்து புகழின் உச்சிக்கு சென்றவர்.

இரங்கல்

அவர் இறந்த செய்தி இந்தியா முழுவதிலும் அதிர்வலைகளை ஏற்படுத்தி இருக்கும் நிலையில், அவரது மறைவுக்குப் பல அரசியல் தலைவர்களும், தமிழ், இந்தி நடிகர், நடிகைகளும் ட்விட்டர், ஃபேஸ்புக் தளங்களிலும் இரங்கல் தெரிவித்துவருகின்றனர்.

மணல் சிற்பம்

ஶ்ரீதேவியின் மரணத்துக்கு இரங்கல் தெரிவுக்கும் விதமாகவும், அவரது மறைவுக்கு அஞ்சலி செலுத்தும் விதமாகவும், இந்தியாவின் பிரபல மணல் சிற்பக்கலைஞர் சுதர்சன் பட்னாயக் ஸ்ரீ தேவியின் மணல் சிற்பத்தை பூரி கடற்கரையில் வடித்துள்ளார்.

சிறுவயது நாயகி

எனது சிறுவயது நாயகிக்கு அஞ்சலி என்று கூறியுள்ள பட்நாயக், தனது சிற்பத்தில் 'RIP Sridevi' என்றும் 'we will miss you' என்றும் எழுதியுள்ளார். இந்திய சினிமாவின் மாபெரும் நட்சத்திரம் ஶ்ரீதேவி. 'உங்கள் இழப்பால் வருந்துகிறோம்' என்று ட்விட்டரிலும் பதிவிட்டுள்ளார்.