வடையை நழுவவிட்ட சந்தானம்..“குலு குலு“ படத்தின் வேற மாறி டீசர் !

நடிகர் சந்தானம்

தமிழ் சினிமா உலகில் கவுண்டமணி, செந்திலுக்கு பிறகு காமெடியில் தனக்கென ஒரு இடத்தை பிடித்தவர் நடிகர் சந்தானம். நகைச்சுவை நடிகராக இருந்து தற்போது தமிழ் சினிமா நடிகராக முன்னணி நடிகராக வலம் வந்து கொண்டிருக்கிறார். இவர் விஜய் தொலைக்காட்சியில் ஒளிபரப்பான "லொள்ளு சபா" என்ற தொலைக்காட்சி நிகழ்ச்சியின் மூலம் மக்கள் மனதில் இடம் பிடித்தார்.

சபாபதி வெற்றிப்பெறவில்லை

காமெடி நடிகராக நடித்த சந்தானம் கடந்த சில வாருடங்களாக தமிழ் சினிமாவில் ஹீரோவாக ஜொலித்து வருகிறார். சந்தானம் இறுதியாக சபாபதி படத்தில் நடித்து இருந்தார். பெரிதும் எதிர்பார்க்கப்பட்ட சபாபதி திரைப்படம் எதிர்பார்த்த அளவு வெற்றிபெறவில்லை. இந்த படத்திற்கு முன்பாக சந்தானம் நடிப்பில் வெளியான டிக்கிலோனா, பாரிஸ் ஜெயராஜ் போன்ற படங்கள் ரசிகர்கள் மத்தியில் வரவேற்பை பெற்றது.

குலுகுலு டீசர்

சந்தானம் நடிக்கும் குலுகுலு திரைப்படத்தின் டீசர் வெளியாகிறது. அந்த டீசரில் சகலகலா வித்தை தெறிந்தவன்...பொருளை கைமாற்றுவதில் வித்தகன் என்று சந்தானத்தை புகழ...ஒரு வடையை கைமாற்ற முடியாமல் கைநழுவவிடுகிறார் சந்தானம்...காமெடிக்கு பஞ்சம் இல்லாமல் வெளியாகி உள்ள டீசர் தற்போது இணையத்தில் வைரலாகி வருகிறது. டீசரே இப்படினா படம் எப்படி இருக்கும் என ரசிகருக்கு படத்தின் மீது ஆர்வம் அதிகரித்துள்ளது.

ஜூலை 29ந் தேதி

ஒரு பயணத்தை அடிப்படையாகக் கொண்ட குலுகுலு திரைப்படம் ஜூலை 29ந் தேதி வெளியாக உள்ளது. சந்தோஷ் நாராயணன் இசை அமைத்துள்ள இப்படத்திற்கு பிலோமின் ராஜ் படத்தொகுப்பு பணிகளை மேற்கொண்டுள்ளார். விஜய் கார்த்திக் கண்ணன் ஒளிப்பதிவு செய்துள்ளார். இந்த படத்தின் சாட்டிலைட் ஒளிபரப்பு உரிமையை சன் தொலைக்காட்சி பெற்றுள்ளது. படத்தின் திரையரங்க வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவிஸ் கைப்பற்றி உள்ளது.