தமிழ்ப் படங்களுக்கு என்னாச்சுப்பா... ஜங்கிள் புக், சர்தார் கப்பர் சிங்கெல்லாம் ஓடுதே!

பாக்ஸ் ஆபிஸ்

இந்நிலையில் கடந்த வார நிலவரப்படி சென்னை பாக்ஸ் ஆபீஸில் ஜங்கிள் புக் முதலிடத்தையும், சர்தார் கப்பர் சிங் 2 வது இடத்தையும், கார்த்தியின் தோழா 3 வது இடத்தையும் கைப்பற்றியுள்ளது.முதலிரண்டு இடங்களில் எந்தத் தமிழ்ப் படமும் இடம்பெறவில்லை என்பது குறிப்பிடத்தக்கது.

ஜங்கிள் புக்

ஜங்கிள் புக்கை சிறுவர்கள் முதல் பெரியவர்கள் வரை பார்த்து ரசித்ததில் அப்படம் சென்னையில் மட்டும் சுமார் 89 லட்சங்களை வசூலித்துள்ளது. தமிழ் சினிமாவின் முன்னணி மாஸ் நடிகர்களுக்கு ஈடாக ஜங்கிள் புக் வசூலைக் குவித்து வருகிறது.

பவன் கல்யாண்

ஒருபுறம் ஜங்கிள் புக்கை ரசித்தாலும் பவன் கல்யாணின் ஆக்ஷன் விருந்தும் ரசிகர்களைக் கவர, 3 நாட்கள் முடிவில் சர்தார் கப்பர் சிங் 39 லட்சங்களுக்கும் அதிகமாக வசூல் செய்துள்ளது.சர்தார் கப்பர் சிங் மூலம் தமிழ்நாட்டிலும் தன்னுடைய மாஸைக் காட்டி, கோலிவுட் ஹீரோக்களை அதிர வைத்திருக்கிறார் பவர் ஸ்டார் பவன் கல்யாண்.

தோழா

என்னடா இது தமிழ்நாட்டில் தமிழ்ப் படங்களுக்கு வந்த சோதனை என்று பதறிய நமக்கு, 32 லட்சங்களை வசூல் செய்து கார்த்தியின் தோழா சற்றே ஆறுதல் அளித்துள்ளது.

தெறி

இன்னும் 2 தினங்களில் விஜய்யின் தெறி வெளியாவதால், பிறமொழிப் படங்களின் வசூல் கட்டுக்குள் வரும் என்று விநியோகஸ்தர்கள் நம்பிக்கை தெரிவித்துள்ளனர்.