இதுக்கு தான் போடணும் ‘அரபிக்குத்து‘... எதைச் சொல்கிறார் சீமான் !

தரம் இல்லாத மருத்துவர்களா?

நீட் தேர்வு எப்படி தரமான மருத்துவர்களை உருவாக்கும்? அப்போது நீட் தேர்வுக்கு முன்னர் மருத்துவர்கள் ஆனவர்கள் எல்லாம் தரம் இல்லாத மருத்துவர்களா? என்று கேள்வி எழுப்பினார். நீட் தேர்வு வடஇந்தியர்களுக்கு இந்தியை தாய் மொழியாக கொண்டவர்களுக்கு வெற்றிக்கான வாய்ப்பை அதிகரிக்கிறது. 700பேர் தேர்வு எழுதினால் 600 பேரும் தேர்ச்சி பெற்றதாக தகவல் வருகிறது.

தனி பாட திட்டத்தை தொடங்குங்கள்

நாங்கள் இதுவரை வைத்து இருந்தது நுழைவுத் தேர்வு , இவர்கள் சொல்வது தகுதித் தேர்வு. தகுதியை நீட் எழுதினால்தான் வரும் என்றால், எதற்கு பிளஸ் 1, பிளஸ் 2. இதை அப்படியே தூக்கிவிட்டு நீட்டுக்குனு தனி பாடதிட்டத்தை உருவாக்கி இதையே படித்துவிட்டு வாங்க என்று சொல்லிவிடலாமே என்றார் சீமான்.

தனியார் முதலாளிகள்

தொடர்ந்து செய்தியாளர்களிடம் பேசி சீமான், தனியார் முதலாளிகளின் மருத்துவக் கொள்ளையை தடுக்கிறோம் என்று கூறுகிறார்கள். ஆனால், மோடி அவர்கள் தனியார் முதலாளிகள் அனைவரும் வாருங்கள் மருத்துவக்கல்லூரியை தொடங்குகள் என்று எதற்கு கூவி கூவி தனியார் முதலாளிகளை அழைக்கிறார். அப்படி வரும் தனியார் முதலாளிகள் மக்கள் சேவைக்காக வருவார்களா? லாபம் ஈட்ட வருவார்களா ?

Recommended Video

Vijay -கு ஏன் அவ்வளவு பயம்! Thalapathy vijay-யை வம்பு இழுத்த Seeman

வேறு விதமாக ஆடனும்

நீட்டுக்கு எதிராக ஏன் கல்வி நிறுவனங்கள் போராடவில்லை, நாங்கள் தான் போராடிக்கொண்டு இருக்கிறோம். ஏன் என்றால் எந்த பாதிப்பும் மருத்துவ கல்வி நிறுவனங்களுக்கு இல்லை. இதற்கு வேறு விதமான ஆட்டத்தை காட்ட வேண்டும், பீஸ்ட் திரைப்படத்தில் வரும் அரபிக்குத்துப் போல ஒன்னு போட்டாத்தான் சரிபட்டு வரும் என்று சீமான் கூறினார்.