சினிமாவால் 20 கோடிகளை இழந்தேன்- பவர்ஸ்டார் சீனிவாசன் பேச்சு

வெளிவராத பதிலடி

விழாவில் சிறப்பு விருந்தினராக கலந்து கொண்ட பவர் ஸ்டார் சீனிவாசன் அறிமுக நடிகர் விஷ்வாவிடம் இது உங்கள் முதல் படமா என்று கேட்டேன் இல்லை பதிலடி என்று ஒரு படம் ஏற்கனவே நடித்து முடித்திருக்கிறேன் படம் இன்னும் வெளிவரவில்லை என்று கூறியதாக தெரிவித்தார்.

சினிமாவால் 3 கோடி வரை இழந்த அறிமுக ஹீரோ

மேலும் சினிமா ஆசையால் சுமார் 3 கோடி ரூபாய் வரை இழந்துவிட்டேன் என்று புதுமுக நாயகன் விஷ்வா என்னிடம் கூறினார். அதனைக் கேட்டு எனக்கு வருத்தமாக இருந்தது என்று பவர் வருத்தப் பட்டார்.

உனக்கு 3கோடி எனக்கு 20 கோடி

இதே சினிமாவில் நானும் சுமார் 20 கோடி வரை இழந்து விட்டேன் என்று ஆறுதல் கூறி அவரைத் தேற்றி இருக்கிறார் பவர்ஸ்டார் சீனிவாசன்.

தயாரிப்பாளர் கணவன்- இயக்குநர் மனைவி

திரையுலகைப் பொறுத்தவரை தயாரிப்பாளர் - இயக்குநர் இருவருமே கணவன் மனைவி மாதிரி, ஒருவர் மற்றவரை அனுசரித்துப் போகவேண்டும் ஏனெனில் தயாரிப்பாளர்கள் இல்லையெனில் படங்களை எடுக்க முடியாது இந்த உண்மையை அனைவரும் புரிந்து நடந்து கொள்ள வேண்டும்.

படம் நன்றாக ஓட வாழ்த்துக்கள்

படம் நன்றாக ஓட வாழ்த்துக்கள், வந்திருக்கும் பத்திரிக்கை மற்றும் தொலைக்காட்சி அனைவருக்கும் எனது நன்றிகளைத் தெரிவித்துக் கொள்கிறேன் என்று உஷாராக கூறி தனது பேச்சை முடித்துக் கொண்டார் பவர் ஸ்டார்.

கல்லூரிக்குச் செல்லும் ஹீரோயின்

படத்தில் நாயகி கல்லூரி செல்லும் பெண்ணாக நடித்திருக்கிறாராம், படத்தை தயாரிப்பாளர்கள் சிவராசன் மற்றும் கிருஷ்ணமூர்த்தி ஆகிய இருவரும் இணைந்து கூட்டாக தயாரித்து இருக்கின்றனர்.