'விக்ரம் வேதா' இந்தி ரீமேக்கிலிருந்து விலகிய ஷாருக்... என்ன காரணம்?

விக்ரம் வேதா

தமிழில் நல்ல வெற்றி பெற்றதால் 'விக்ரம் வேதா' படத்தை இந்தியில் ரீமேக் செய்யும் முடிவில் இருந்தார் மாதவன். இதற்காக இப்படத்தில், விஜய் சேதுபதி வேடத்தில் ஷாருக்கானை நடிக்க வைக்க திட்டமிட்டார்.

விஜய் சேதுபதி வேடத்தில் ஷாருக்கான்

அதற்காக, ஷாருக்கானிடம் இப்படத்தின் கதையைக் கூறியிருக்கிறார் மாதவன். கதையை கேட்ட ஷாருக்கான் கதை நன்றாக இருக்கிறது என்று கூறியதோடு, நடிக்கவும் ஒப்புக்கொண்டார்.

பின்வாங்கிய ஷாருக்

தற்போது, மாதவனை அழைத்து தனக்கு இந்தக் கதை சரிவராது என்று கூறியுள்ளார். இதையடுத்து, தற்போது விஜய் சேதுபதியாக நடிக்க வேறொரு பாலிவுட் நடிகரை மாதவன் தேடி வருகிறாராம்.

ஏன் ஷாருக் விலகினார்

ஷாருக்கான் 'விக்ரம் வேதா' ரீமேக்கிலிருந்து விலகியதற்குக் காரணம் இதற்கு முன்னதாக அவர் நடித்த 'ஃபேன் மூவி' படத்தின் கிளைமேக்ஸ் காட்சியும், 'விக்ரம் வேதா' கிளைமேக்ஸ் காட்சியும் ஒரே மாதிரியாக இருப்பது தானாம்.

ரசிகர்களுக்குப் பிடிக்காது

அதனால், மறுபடியும் இது போன்ற கதையில் நடித்தால், தன்னுடைய ரசிகர்களுக்கு பிடிக்காது என்று கூறி இப்படத்தின் ரீமேக்கிலிருந்து முன்கூட்டியே விலகியுள்ளார் எனக் கூறப்படுகிறது.