Don't Miss!
- News பாஜக கூட்டணியில் பாமக போட்டியிடும் 10 தொகுதிகள் எது? சேலத்தில் இவரா? உத்தேச வேட்பாளர்கள் லிஸ்ட் ?
- Finance H-1B விசா: ஐடி ஊழியர்களுக்கு 3 நாளில் குட் நியூஸ்.. பல பேரின் வாழ்க்கை மாறப்போகுது..!!
- Education கல்வித்தரத்தில் சமரசம் செய்துகொள்ள எம்ஓபி வைஷ்ணவ் மகளிர் கல்லூரி
- Technology ஆதார் அப்டேட் செய்ய போறீங்களா? தெரியாம கூட இந்த தவறை செய்யாதீர்கள்.. கணக்கு வைக்கும் UIDAI ஆணையம்..
- Sports சர்ஃபராஸ் கான், ஜுரேலுக்கு அடித்த ஜாக்பாட்.. ஆனால் ரிஷப் பண்ட்டுக்கு.. பிசிசிஐ வைத்த ட்விஸ்ட்
- Automobiles கேரளாவில் தவெக தலைவர் விஜய்யை பார்க்க இவ்வளவு கூட்டமா? கேரளாவுல நின்னா வெற்றி கன்ஃபார்ம்!
- Lifestyle 18 ஆண்டுகளுக்கு பின் நிகழும் ராகு சூரிய சுக்கிர சேர்க்கை: மார்ச் 31 முதல் இந்த 3 ராசிக்கு பண மழை கொட்டும்..
- Travel தமிழ்நாட்டின் அரண்மனை கிராமம் இது தான் – தமிழர்கள் ஒவ்வொருவரும் கட்டாயம் பார்க்க வேண்டியம் இடம்!
படத்துல ஆர்வம் காட்டவே மாட்டேங்கிறாரே... சீனு ராமசாமி படத்தில் இருந்து சர்ச்சை ஹீரோ தடாலடி நீக்கம்
சென்னை: சீனுராமசாமி இயக்கும் படத்தில் இருந்து இளம் ஹீரோ நீக்கப்பட்டுள்ளார்.
மலையாள சினிமாவின் இளம் ஹீரோ, ஷேன் நிகம். இஷ்க், கும்பளங்கி நைட்ஸ் உட்பட சில படங்களில் நடித்துள்ள ஷேன், வெயில், குர்பானி ஆகிய படங்களில் நடித்து வந்தார்.
வெயில் படத்துக்கு தலைமுடியை அதிகமாக வளர்க்க வேண்டும் என்ற ஒப்பந்தத்தை மீறி,
ஷூட்டிங் நடந்துகொண்டிருந்தபோது, திடீரென தலைமுடியை மாற்றி, அந்தப் புகைப்படங்களை சமூக வலைத்தளங்களில் வெளியிட்டதால் பரபரப்பு ஏற்பட்டது.
கெட்டப் மாற்றி
இதனால், வெயில் தயாரிப்பாளர் ஜோபி ஜார்ஜ் தயாரிப்பாளர் சங்கத்தில் புகார் செய்தார். பிறகு இந்தப் பிரச்னை சங்கத்தில் பேசி தீர்க்கப்பட்டது. இனி கெட்டப்பை மாற்ற மாட்டேன் என்று உறுதி அளித்திருந்தார் நிகம். இந்நிலையில், திடீரென மீண்டும் புதிய கெட்டப்புக்கு மாறினார் நிகம். ஆத்திரமடைந்த ஜார்ஜ், மீண்டும் புகார் செய்தார்.
தரக்குறைவாக
விசாரித்த சங்க நிர்வாகிகள், ஷேன் நிகமுக்குத் தடை விதித்தனர். அவர் நடித்த வெயில், குர்பானி படங்கள் கைவிடப்படுவதாகவும் அந்தப் படங்களுக்காகச் செலவழிக்கப்பட்ட ரூ.7 கோடியை ஷேன் நிகம், திருப்தித் தர வேண்டும் என்றும் கூறி இருந்தனர். இதற்கிடையே தயாரிப்பாளர்களை மன நோயாளிகள் என்பது போல ஷேன் நிகம் தரக்குறைவாகப் பேசியதாக புகார் எழுந்தது.
மன்னிப்பு கடிதம்
கோபமடைந்த கேரள திரைப்பட தொழிலாளர் கூட்டமைப்பு நிர்வாகிகள், இனி பேச்சுவார்த்தையை தொடரப்போவதில்லை, தடை தொடரும் என்று அறிவித்தனர். இதற்கிடையில், தான் தவறு ஏதும் செய்திருந்தால் மன்னிப்பு கேட்கத் தயாராக இருப்பதாகத் தெரிவித்திருந்தார் ஷேன். பின்னர் தனது பேச்சுக்கு மன்னிப்பு கேட்டு, நடிகர் சங்கம், தயாரிப்பாளர் சங்கம் மற்றும் கேரள திரைப்பட தொழிலாளர்கள் கூட்டமைப்புக்கு கடிதம் அனுப்பினார்.
நடிகர் சங்கம்
இந்தப் பிரச்னை குறித்து மலையாள நடிகர் சங்கமான 'அம்மா'வின் செயற்குழு கூடி பேச்சுவார்த்தை நடத்தியது. பின்னர் பிரச்னை சுமூகமாக முடிக்கப்பட்டது. அவர் நடித்துக்கொண்டிருக்கும் படங்களை பிரச்னை இல்லாமல் முடித்துக்கொடுப்பார் என்று தயாரிப்பாளர்களுக்கு நடிகர் சங்கம் உறுதியளித்ததை அடுத்து பிரச்னை முடிவுக்கு வந்தது.
சீனு ராமசாமி
இந்நிலையில், அவர் தமிழில் சீனு ராமசாமி இயக்கும் ஸ்பா என்ற படத்தில் ஹீரோவாக நடிக்க ஒப்பந்தமானார். இதில் அவர் இலங்கை தமிழராக நடிப்பார் என்று கூறப்பட்டது. ஒலிம்பியா மூவிஸ் தயாரிக்கும் இதன் ஷூட்டிங் டிசம்பர் மாதம் தொடங்கியிருக்க வேண்டும். ஆனால், இந்தப் படத்தில் நடிக்க ஷேன் நிகாம் அக்கறை காட்டவில்லை என்று தெரிகிறது.
நீக்கிவிட்டனர்
இயக்குனரிடம் கதை பற்றி கேட்கவோ, படக்குழுவுக்கு ஒத்துழைப்போ அவர் தரவில்லை என்று கூறப்படுகிறது. இதனால் அவரை அப்படியே நீக்கிவிட்டு படக்குழு வேறு ஹீரோவிடம் பேசி வருகிறது. சுசீந்திரன் இயக்கிய 'சாம்பியன்' படத்தில் நடித்த நடிகர் விஸ்வாவிடம் படக்குழுவினர் பேசி வருகின்றனர். ஷேன் நிகாமுக்கு பதிலாக அவர் ஹீரோவாக நடிப்பார் என்று தெரிகிறது.