ராஜா ராணி கனெக்‌ஷன் இருக்கே.. நயன்தாரா 75வது படத்தை இயக்கப் போறது யார் தெரியுமா?

லேடி சூப்பர்ஸ்டார் 75

தளபதி 67, ஏகே 61 அப்டேட்களை எதிர்பார்த்துக் காத்துக் கொண்டிருக்கும் ரசிகர்களுக்கு இதுவரை இல்லாத அளவுக்கு அட்டகாசமாக லேடி சூப்பர்ஸ்டார் 75 என்கிற டைட்டிலுடன் படு மாஸான அறிவிப்பை ஜி ஸ்டூடியோஸ் நிறுவனம் தற்போது அறிவித்துள்ளது. டிரைடன்ட் ஆர்ட்ஸ் தயாரிப்பில் வெளியாகும் இந்த படம் நேரடியாக தியேட்டரில் வருமா? அல்லது ஜி5 ஓடிடியில் வெளியாகுமா என்கிற கேள்வியும் எழுந்துள்ளது.

ஓடிடி ஹீரோயின்

முன்னணி நடிகர்களின் படங்களை தவிர மற்ற நடிகர்கள் மற்றும் நடிகைகளின் படங்கள் நல்லா இருந்தால் கூட தியேட்டருக்கு போய் பார்க்கும் மனநிலையில் மக்கள் தற்போது இல்லை என்பதை சமீப காலத்தில் வெளியான சில நல்ல படங்களும் பாக்ஸ் ஆபிஸ் தோல்வியடைந்தது உணர்த்துகிறது. அதை மனதில் வைத்தே மூக்குத்தி அம்மன், நெற்றிக்கண், ஓ2 என தொடர்ந்து நயன்தாரா ஹீரோயின் சென்ட்ரிக்காக நடிக்கும் படங்களை ஓடிடியில் ரிலீஸ் செய்து வருகிறார்.

ராஜா ராணி கனெக்‌ஷன்

நயன்தாராவின் நடிப்பில் உருவாகி வரும் கனெக்ட் படத்தில் சத்யராஜ் நடித்து வரும் நிலையில், 75வது படத்திலும் சத்யராஜ் நடிக்க உள்ளார். மேலும், ராஜா ராணி படத்தில் நயன்தாராவின் காதலராக நடித்திருந்த நடிகர் ஜெய்யும் இந்த படத்தில் நடிக்க உள்ளதாக கூறப்படுகிறது. படக்குழுவும் நடிகர் ஜெய் மற்றும் சத்யராஜை டேக் செய்துள்ளனர். ராஜா ராணி படத்தில் இடம்பெற்ற இருவரும் மீண்டும் நயன்தாரா 75 படத்தில் இணைந்திருப்பது ரசிகர்களை உற்சாகத்தில் ஆழ்த்தி உள்ளது.

ஜெய் வில்லனா

சமீபத்தில் சுந்தர். சியின் பட்டாம்பூச்சி படத்தில் சைக்கோ வில்லனாக ஜெய் நடித்த நிலையில், உமன் சென்ட்ரிக் ரோலில் கதையின் நாயகியாக நயன்தாரா நடிக்க உள்ள இந்த 75வது படத்திலும் ஜெய் வில்லனாக நடிக்கப் போகிறாரா? என்கிற கேள்வியும் ரசிகர்கள் மத்தியில் எழுந்துள்ளது. த்ரில்லர் மற்றும் ஆக்‌ஷன் படங்களிலேயே கவனம் செலுத்தி நயன்தாரா நடித்து வருவது குறிப்பிடத்தக்கது. நெற்றிக்கண் படத்தில் அஜ்மல் சைக்கோ வில்லனாக நடித்திருந்தார்.

ஷங்கர் அசிஸ்டன்ட்

இயக்குநர் ஷங்கரின் உதவி இயக்குநரான அட்லி தனது அறிமுகப்படத்திற்கு நயன்தாரா தான் ஹீரோயினாக வேண்டும் என எப்படி அவரை ராஜா ராணி படத்தில் மீண்டும் நடிக்க அழைத்து வந்து இப்படியொரு உயரத்திற்கு கொண்டு வந்தாரோ, அதே போல ஷங்கரின் உதவி இயக்குநரான நிலேஷ் கிருஷ்ணா இயக்கத்தில் நயன்தாராவின் 75வது படம் மிகவும் பிரம்மாண்டமாக உருவாக உள்ளது குறிப்பிடத்தக்கது.