முகப்பு

செய்திகள்

முன்பு அறிவிக்கப்பட்ட ஜனவரி 9-ம் தேதிக்கு பதில், பொங்கல் தினமான 14-ம் தேதி வெளியாகிறது ஷங்கரின் ஐ படம்.

விக்ரம் - எமி ஜாக்ஸன் நடிப்பில், ஷங்கர் உருவாக்கியுள்ள பிரமாண்ட படமான ஐ வெளியீடு பலமுறை தள்ளி வைக்கப்பட்டுவிட்டது. ஒரு வழியாக பொங்கலுக்கு முன் ஜனவரி 9-ம் தேதி படம் வெளியாகிவிடும் என அறிவித்தனர்.

திரையரங்குகளும் அறிவிக்கப்பட்ட நிலையில், படத்தின் வெளியீட்டுத் தேதியை மீண்டும் மாற்றியுள்ளார் தயாரிப்பாளர் ஆஸ்கார் ரவிச்சந்திரன்.

அதன்படி ஜனவரி 9-ம் தேதிக்கு பதில், ஜனவரி 14-ம் தேதி படம் வெளியாகிறது.

இதே தேதியில் அஜீத்தின் என்னை அறிந்தால், விஷாலின் ஆம்பள, சிவகார்த்திகேயனின் காக்கிச் சட்டை படங்களும் வெளியாகவிருப்பது குறிப்பிடத்தக்கது.