ஒரே கல்லில் ரெண்டு மாங்காய்...ஷங்கரின் செம மாஸ்டர் பிளான்

எத்தனை வதந்திகளை கிளப்புறது

இதற்கிடையில் ஆகஸ்ட் மாதத்தில் இந்தியன் 2 ஷுட்டிங் மீண்டும் துவங்கப்பட உள்ளது என தகவல் வெளியானது. அதே சமயம், படத்தில் ஹீரோயின்களில் ஒருவராக நடித்த காஜல் அகர்வால் படத்தில் இருந்து விலகியதாகவும், அவருக்கு பதில் பாலிவுட் டாப் நடிகையான தீபிகா படுகோன், கமலுக்கு ஜோடியாக நடிக்க உள்ளதாகவும் தகவல் பரவியது.

ஹாட் அப்டேட் தந்த காஜல்

ஆனால் இன்ஸ்டாகிராம் லைவில் ரசிகர்களுடன் பேசிய காஜல் அகர்வால், இந்தியன் 2 படத்தில் இருந்து தான் விலகவில்லை. செப்டம்பர் 13 ம் தேதி மீண்டும் ஷுட்டிங் துவங்கப்பட உள்ளது. இதில் தானும் கலந்து கொள்ள உள்ளதாக தெரிவித்துள்ளார். படத்தில் முக்கிய ரோலில் நடிப்பவரே ஷுட்டிங் அப்டேட் கொடுத்திருப்பதால் அது உண்மையாக தான் இருக்கும் என ரசிகர்கள் செம குஷியாகி உள்ளனர்.

என்னப்பா ரொம்ப குழப்புறீங்க

அதே சமயம் டைரக்டர் ஷங்கர் தற்போது ராம்சரண் நடிக்கும் ஆர்சி 15 படத்தை இயக்கி வருகிறார். இந்த படம் கிட்டத்தட்ட இறுதிக்கட்டத்தை நெருங்கி வருவதாக சொல்லப்படுகிறது. ஆர்சி 15 படத்தில் பிஸியாக இருக்கும் ஷங்கர், எப்படி இந்தியன் 2 படத்தை துவக்குவார். ஆர்சி 15 படமும் மெகா பட்ஜெட் படம் என்பதால் ரசிகர்கள் குழப்பத்தில் உள்ளனர்.

ஷங்கர் எடுத்துள்ள முடிவு

பல காலமாக கிடப்பில் இருக்கும், அதிகம் எதிர்பார்க்கப்படும் படமான இந்தியன் 2 படத்திற்கு முக்கியத்துவம் கொடுக்க ஷங்கர் முடிவு செய்திருப்பதாக சொல்லப்படுகிறது. இதனால் இந்தியன் 2 படத்தின் ஷுட்டிங்கை முதலில் நடத்தி முடிப்பதற்காக ஆர்சி 15 படத்தின் ஷுட்டிங்கை தற்காலிகமாக நிறுத்தி வைக்க ஷங்கர் முடிவு செய்திருப்பதாக சொல்லப்படுகிறது.

இதற்காக தான் அந்த முடிவா

கமல் நடித்த விக்ரம் படம் ரசிகர்களிடம் மிகப் பெரிய வரவேற்பை பெற்று, பிரம்மாண்ட வெற்றியை பெற்றுள்ளதால் கமல் அடுத்து நடிக்க போகும் படமும் எதிர்பார்ப்பை ஏற்படுத்தி உள்ளது. இதனால் இந்த சமயத்தில் இந்தியன் 2 படத்தை முடித்து, வெளியிட்டால் அது நிச்சயம் மிகப் பெரிய வரவேற்பை பெறும் என படக்குழு நினைப்பதாக சொல்லப்படுகிறது. இதுனால் தான் இந்தியன் 2 வேலைகளை முதலில் கையில் எடுக்க ஷங்கர் முடிவு செய்திருப்பதாக சொல்லப்படுகிறது.

ஷங்கரின் மாஸ்டர் பிளான்

ஆர்சி 15 படத்திற்காக 2 வாரங்கள் ஷுட்டிங் நடத்த ஷங்கர் பிளான் செய்துள்ளார். ஆகஸ்ட் 3வது ஆர்சி 15 ஷுட்டிங்கை துவக்க அவர் திட்டமிட்டுள்ளதாக சொல்லப்படுகிறது.இந்தியன் 2 படத்தின் ஷுட்டிங்கும் செப்டம்பர் 13 ம் தேதி ஐதராபாத்தில் துவங்கப்பட உள்ளதாக சொல்லப்படுகிறது.இந்தியன் 2 படத்திற்காக ஆர்சி 15 பட வேலைகளை ஷங்கர் நிறுத்த உள்ளதாக சொல்லப்பட்ட நிலையில், தற்போது இரண்டு பட வேலைகளையும் ஒரே நேரத்தில் கவனிக்க திட்டமிட்டுள்ளதாக சொல்லப்படுகிறது.