ஷெரினுக்கு மீண்டும் கொரோனா பாதிப்பு...விரைவில் குணமடைய ரசிகர்கள் பிரார்த்தனை

எதிர்பார்க்கப்பட்ட நடிகை

செல்வராகவன் இயக்கத்தில் தனுஷ் நடத்த துள்ளுவதோ இளமை படத்தின் மூலம் ஹீரோயினாக அறிமுகமானவர் ஷெரின். தமிழ் மட்டுமின்றி தெலுங்கு, கன்னடம் , மலையாள மொழி படங்களிலும் நடித்துள்ளார். தமிழில் ஸ்டூடன்ட் நம்பர் ஒன், விசில், கோவில்பட்டி வீரலட்சுமி உள்ளிட்ட படங்களில் நடித்தார். பெரிய அளவில் வருவார் என அனைவராலும் எதிர்பார்க்கப்பட்ட நடிகைகளில் இவரும் ஒருவர்.

பிக்பாசால் ரீஎன்ட்ரி

ஆனால் தமிழில் பட வாய்ப்புக்கள் குறைந்ததால் நண்பேன்டா படத்திற்கு பிறகு காணாமல் போனார். 2019 ல் விஜய் டிவியில் பிக்பாஸ் சீசன் 3 ல் போட்டியாளராக கலந்து கொண்டு, மீண்டும் தமிழில் ரீஎன்ட்ரி ஆனார். பிக்பாசில் கொஞ்சி கொஞ்சி இவர் பேசிய தமிழிலால் இவருக்கு இருந்த ரசிகர்களின் எண்ணிக்கை பல மடங்காக உயர்ந்தது.

தவறான சோதனை

பிக்பாஸ் நிகழ்ச்சிக்கு பிறகு பிரபலமான ஷெரின் சோஷியல் மீடியாவில் பல வித்தியாசமான ஃபோட்டோஷுட்கள் நடத்தி ரசிகர்களை கவர்ந்து வருகிறார். இந்நிலையில் சில மாதங்களுக்கு முன் தனக்கு கொரோனா தொற்று உறுதி செய்யப்பட்டிருப்பதாக இன்ஸ்டாகிராமில் தகவல் பதிவிட்டார் ஷெரின், பிறகு அடுத்த நாள் மீண்டும் சோதனை செய்து பார்த்ததில் கொரோனா இல்லை என வந்ததாகவும், இதே போல் பலருக்கு தவறாக கொரோனா இருப்பதாக கூறப்படுவதாகவும் சொல்லி பரபரப்பை கிளப்பினார்.

நிஜமாவே கொரோனா பாதிப்பு

இந்நிலையில் தற்போது தனக்கு கொரோனா பாதிப்பு உறுதி செய்யப்பட்டிருப்பதாக ஷெரின் இன்ஸ்டாகிராம் மூலம் தனது ரசிகர்களுக்கு தெரிவித்துள்ளார். அதில் அவர், எனக்கு மீண்டும் கொரோனா பாசிடிவ் என கண்டறியப்பட்டுள்ளது. ஆனால் இந்த முறை காய்ச்சல், தலைவணி, சளி உள்ளிட்ட அறிகுறிகள் உள்ளது. என்னை சமீபத்தில் யாராவது சந்தித்திருந்தால் தயவு செய்து உங்களை தனிமைப்படுத்திக் கொள்ளுங்கள். இது போன்ற அறிகுறிகள் உள்ளதா என கவனியுங்கள்.

ரசிகர்கள் பிரார்த்தனை

பாதுகாப்பாக இருங்கள், வீட்டிலேயே இருங்கள், டபுள் மாஸ்க், ட்ரிப்பிள் மாஸ்க் போட்டுக் கொள்ளுங்கள். பாதுகாப்பிற்கு என்னவெல்லாம் தேவையோ அனைத்தையும் செய்து கொள்ளுங்கள் என ஷெரின் குறிப்பிட்டுள்ளார். இதனால் கவலை அடைந்துள்ள அவரது ரசிகர்கள் ஷெரின் விரைவில் குணமடைய பிரார்த்தனையும், வாழ்த்துக்கள் தெரிவித்து வருகிறார்கள்.