மூக்கை பிளாஸ்டிக் சர்ஜரி செய்தேன்..என் உடல் எது வேண்டுமானாலும் செய்வேன்..ஸ்ருதிஹாசன் நச் பதில்!

முதல் காதல் கசந்தது

முதல் படத்திலேயே புலிக்கு பிறந்தது பூனையாகாது என்பதை நிரூபித்து விட்டார் ஸ்ருதி. முதல் படமே சூப்பர் டூபர் ஹிட்டடித்து முன்னணி நடிகை லிஸ்டில் இணைந்த ஸ்ருதி,தமிழ்,தெலுங்கு, இந்தி என வரிசையாக பல மொழிப்படங்களில் நடித்து வந்தார். முன்னதாக மைக்கேல் கார்சலேவை ஸ்ருதிஹாசன் காதலித்து வந்த நிலையில், இருவரும் படு நெருக்கமாக இருக்கும் புகைப்படங்கள் சமூக வலைதளங்களில் வெளியிட்டு பரபரப்பை ஏற்படுத்தினார். இதையடுத்து, இருவரும் கருத்து வேறுபாடு காரணமாக பிரிந்தனர்.

லிவிங் டுகெதர் ரிலேஷன்ஷிப்பில்

இதனால், மன அழுத்தத்தில் இருந்த ஸ்ருதிஹாசன் சாந்தனு ஹசாரிகாவை காதலித்து வருகிறார். காதலருக்காக மும்பையிலேயே செட்டினான ஸ்ருதி அவருடன் லிவிங் டுகெதர் ரிலேஷன்ஷிப்பில் இருந்து வருகிறார். இருவரும் ஒரே வீட்டில் படு நெருக்கமாக இருக்கும் ஏகப்பட்ட போட்டோக்கள் இன்ஸ்டாகிராமில் பதிவிட்டு டிரெண்டாகி வருகின்றனர்.

மூக்கை பிளாஸ்டிக் சர்ஜரி செய்தேன்

இந்நிலையில், உடல் அழகு குறித்து பேசிய ஸ்ருதி ஹாசன், என்னுடைய மூக்கு உடைத்து, சற்று வித்தியாசமாக இருந்ததால், நான் எனது மூக்கைஅறுவை சிகிச்சை செய்து மாற்றிக் கொண்டேன். எனது முகத்தை என்ன வேண்டுமானாலும் செய்யக்கூடிய உரிமை எனக்கு இருக்கிறது. ஒவ்வொரு நபருக்கும், அவர்களது உடலில் மாற்றங்களை செய்யக் கூடிய உரிமை உள்ளது. இதற்காக நான் அழகு கலை பொருட்களைப் பயன்படுத்துகிறேன் என்று அர்த்தம் கிடையாது.

ஆசைபடுவதை செய்யுங்கள்

நீங்கள் எதை செய்ய வேண்டும் என்று ஆசைப்படுகிறீர்களோ, அதை செய்யுங்கள். செய்ய விரும்பவில்லையா? அதனை செய்யாதீர்கள். அது உங்களுடைய விருப்பம். ஸ்ருதி ஹாசன் நடிகை போல இல்லை என்று முன்பு என்னை கிண்டல் செய்தார்கள். ஸ்ருதிஹாசன் நல்ல திறமை உள்ளவர் தான் ஆனால் அவர் இந்தியரை போன்று தோற்றம் அளிக்கவில்லை என்கிறார்கள். அதே நேரத்தில் நான் நடித்த பெரும்பாலான படங்களில், நான் கிராமத்து ஹீரோயின் கேரக்டரில் தான் நடித்து இருக்கிறேன். ஆக மொத்தம் நம்மை பற்றி ஏதாவது என்று பேசிக்கொண்டுதான் இருப்பார்கள் என்றார்.