SIIMA Awards 2022...தமிழில் சிறந்த நடிகர் யார்...பரிந்துரைக்கப்பட்ட அந்த 6 பேர் இவங்க தான்

சைமா விருது விழா எப்போ

இந்நிலையில் இந்த ஆண்டு சைமா விருதுகள் வழங்கும் விழா செப்டம்பர் 10 மற்றும் 11 ஆகிய தேதிகளில் பெங்களூருவில் நடத்தப்பட உள்ளதாக அறிவிக்கப்பட்டுள்ளது.சைமா விருதுகள் அறமுகம் செய்யப்பட்டு 10 ஆண்டுகள் நிறைவடைவதால் இந்த ஆண்டு நடக்கும் விழாவை கோலாகலமாக நடத்த திட்டமிட்டுள்ளனர்.

பரிந்துரை பட்டியல் வெளியிடும் சைமா

இந்நிலையில் சைமா, இந்த ஆண்டு ஒவ்வொரு மொழியிலும், ஒவ்வொரு பிரிவிற்கும் பரிந்துரைக்கப்பட்ட படங்கள், கலைஞர்களின் பட்டியலை தனது ட்விட்டர் பக்கத்தில் வெளியிட்டு வருகிறது. தமிழில் பரிந்துரைக்கப்பட்டவர்களின் பட்டியலும் வெளியிட்டுள்ளது.

தமிழில் சிறந்த படம் எது?

2021 ம் ஆண்டு தமிழில் வெளியான சிறந்த படத்திற்கான விருதிற்கு டாக்டர், சார்பட்டா பரம்பரை, கர்ணன், மாநாடு, தலைவி, மண்டேலா ஆகிய 6 படங்கள் பரிந்துரை செய்யப்பட்டுள்ளன. 2021 ம் ஆண்டிற்கான விருதுகள் பிரிவில் அதிகபட்சமாக கர்ணன் படம் 10 பிரிவுகளுக்கும், டாக்டர் படம் 9 பிரிவுகளுக்கும், மாஸ்டர் 7 பிரிவுகளுக்கும், தலைவி 7 பிரிவுகளுக்கும் பரிந்துரை செய்யப்பட்டுள்ளன.

சிறந்த நடிகருக்கான பரிந்துரை பட்டியல்

இந்நிலையில் இன்று தமிழில் 2021 ல் சிறந்த நடிகர் லீட் ரோல் விருதிற்காக பரிந்துரைக்கப்பட்டவர்களின் பட்டியலை சைமா வெளியிட்டுள்ளது. இதில் ஆர்யா (சார்பட்டா பரம்பரை), தனுஷ் (கர்ணன்), விஜய் (மாஸ்டர்), சிலம்பரசன் (மாநாடு), சிவகார்த்திகேயன் (டாக்டர்), சூர்யா (ஜெய்பீம்) ஆகியோர் பரிந்துரைக்கப்பட்டுள்ளனர்.

ரசிகர்களின் தேர்வு என்ன

சூர்யாவிற்கு தான் இந்த விருது கிடைக்கும் என அதிகமானவர்கள் கருத்து தெரிவித்து வருகின்றனர். இன்னும் சிலர் ஆர்யா, சூர்யா, தனுஷ் மூன்று பேரில் ஒருவருக்கு இந்த விருது கிடைத்தால் தான் சரியாக இருக்கும் என கமெண்ட் செய்துள்ளனர். ஒவ்வொரு விருதும் ரசிகர்கள் அளிக்கும் ஒட்டுக்களின் எண்ணிக்கையின் அடிப்படையிலேயே வழங்கப்படும் என்பது குறிப்பிடத்தக்கது.