SIIMA 2025: சிறந்த வில்லன் கமல்.. சிறந்த நடிகர் அல்லு அர்ஜூன்.. விருது வென்றவர்களின் முழு பட்டியல்!

Published: Saturday, September 6, 2025, 10:44 [IST]

துபாய்: துபாயில் நடைபெற்ற SIIMA 2025 விருது விழாவில், தெலுங்குத் திரையுலகைச் சேர்ந்தவர்களுக்கு முதல் நாள் விருதுகள் வழங்கப்பட்டன. நேற்று துபாய் எக்ஸ்போ சிட்டியில் உள்ள துபாய் கண்காட்சி மையத்தில் இந்த விழா தொடங்கியது. அதைத் தொடர்ந்து செப்டம்பர் 6ஆம் தேதியான இன்று தமிழ் மற்றும் மலையாளத் திரையுலகினருக்கு விருதுகள் வழங்கப்பட்ட உள்ளன.

இந்த விழாவில், 2024 ஆம் ஆண்டு வெளியான 'கல்கி 2898 AD' திரைப்படம் சிறந்த திரைப்படத்திற்கான விருதைப் பெற்றது. அந்த படத்தில் வில்லனாக நடித்த கமலுக்கு சிறந்த வில்லனுக்கான விருதும், மூத்த நடிகர் அமிதாப் பச்சனுக்கு சிறந்த துணை நடிகருக்கான விருதை பெற்றனர். புஷ்பா 2வில் சிறப்பாக நடித்திருந்த அல்லு அர்ஜுன் சிறந்த நடிகருக்கான விருதையும், சுகுமார் சிறந்த இயக்குனருக்கான விருதையும் வென்றனர். புஷ்பா 2 திரைப்படத்தில் சிறப்பான நடிப்பை வெளிப்படுத்திய நடிகை ரஷ்மிகா மந்தனா சிறந்த நடிகை விருதை வென்றார்.