பத்து தல அடுத்த ஷுட்டிங் எப்போ?...சிம்புவின் பக்கா பிளான்

விறுவிறுப்பான பத்து தல ஷுட்டிங்

தனது அப்பா டி.ராஜேந்தரின் சிகிச்சைக்காக சிம்பு அமெரிக்கா சென்றதால் பத்து தல படத்தின் ஷுட்டிங் ஒரு மாத காலம் நிறுத்தப்பட்டிருந்தது. சிம்பு இந்தியா திரும்பியதும் மைசூரின் பெல்லாரி பகுதியில் மிக சில நாட்கள் மட்டுமே ஷூட்டிங் நடத்தப்பட்டது. அதைத் தொடர்ந்து சென்னையில் இந்த படத்தின் ஷுட்டிங் நடத்தி முடிக்கப்பட்டது.

அடுத்த ஷுட்டிங் எப்போ

இந்நிலையில் லேட்டஸ்ட் அப்டேட்டாக பத்து தல படத்தின் ஷுட்டிங் இன்று காரைக்குடியில் துவங்கி உள்ளதாக தகவல் வெளியாகி உள்ளது. இதில் சிம்பு, தீஜே நடிக்கும் காட்சிகள் படமாக்கப்பட உள்ளதாக சொல்லப்படுகிறது.

சிம்புவின் செம பிளான்

கெளதம் மேனன் இயக்கத்தில் சிம்பு நடித்துள்ள வெந்து தணிந்தது காடு படத்தின் ஆடியோ மற்றும் டிரைலர் வெளியீட்டு விழா செப்டம்பர் 2 ம் தேதி வேல்ஸ் பல்கலைக்கழக வளாகத்தில் நடைபெற உள்ளது. இதற்கான ஏற்பாடுகள் நடந்து வருகிறது. இதில் கலந்து கொள்ள சிம்பு சென்னை வர உள்ளார்.

கொஞ்சம் கூட கேப் கிடையாதா

இதனால் காரைக்குடியில் இன்று துவங்கி 4 நாட்கள் மட்டுமே ஷுட்டிங் நடத்தப்பட உள்ளது. 4 நாட்கள் ஷுட்டிங் முடிந்த அடுத்த நாளே சென்னை வந்து வெந்து தணிந்தது காடு படத்தின் ஆடியோ விழாவில் கலந்து கொள்ள உள்ளார். அதைத் தொடர்ந்து பத்து தல படத்தின் அடுத்த கட்ட ஷுட்டிங் துவங்கப்பட உள்ளதாக சொல்லப்படுகிறது.

விரைவில் அப்டேட் எதிர்பார்க்கலாம்

பத்து தல படத்தின் ஷுட்டிங் இறுதிக்கட்டத்தை எட்டி வருவதாகவும், இன்னும் ஒரு கட்ட ஷுட்டிங் மட்டுமே மீதம் இருப்பதாகவும் சொல்லப்படுகிறது.இதனால் விரைவில் பத்து தல படத்தின் அப்டேட்களும் வர துவங்கும். படத்தின் ரிலீஸ் தேதியும் அறிவிக்கப்படலாம் என எதிர்பார்க்கப்படுகிறது.