அட.. சிம்புவின் வாலு படத்துக்கு க்ளீன் யு!

சிம்பு - ஹன்சிகா நடித்த வாலு படத்துக்கு சென்னை தணிக்கை குழு எந்த வெட்டுமின்றி யு சான்று வழங்கியது.

பொதுவாக சிம்பு படங்களுக்கு கொஞ்சம் அசைவ இமேஜ் உண்டு. இரட்டை அர்த்தம், நெருக்கமான காதல் காட்சிகள் என்று இருக்கும். எனவே சென்சாருக்கும் கொஞ்சம் வேலைகள் இருக்கும்.

ஆனால் வாலு படத்தில் சென்சாருக்கு வேலையே வைக்கவில்லையாம் இயக்குநர் விஜய் சந்தர். 154 நிமிடங்கள் ஓடும் வாலு படத்தை நேற்று தணிக்கை செய்த அதிகாரிகள் படத்தில் எந்தக் காட்சியையும் வெட்டாமல் யு சான்று அளித்துள்ளனர்.

இதனை ட்விட்டரில் தெரிவித்துள்ள சிம்பு, "வாலு படம் க்ளீன் யு சான்று பெற்றுள்ளது. மிக்க மகிழ்ச்சியாக உள்ளது. ரசிகர்களுக்கு ஸ்பெஷல் நன்றி," என்று குறிப்பிட்டுள்ளார்.