நிதியுதவி கிடைக்காததால் நிறுத்தப்பட்டது சிம்பு - செல்வராகவனின் கான்

கான்

சிம்பு, ஜெகபதி பாபு, டாப்ஸி பன்னு மற்றும் கேத்தரின் தெரசா நடிப்பில் உருவாகி வந்த கான் திரைப்படம் நிறுத்தி வைக்கப்பட்டதாக பல்வேறு வதந்திகள் உலா வந்தன.இந்நிலையில் கான் நிறுத்தப்பட்டது உண்மைதான் என்று கூறி வதந்திகளுக்கு முற்றுப்புள்ளி வைத்திருக்கிறார் படத்தின் இயக்குனர் செல்வராகவன்.

வதந்திகள்

கான் படம் குறித்து நிறைய வதந்திகள் உலா வருகின்றன,நானும் நிறைய கேட்டு வருகிறேன். நான் சில விஷயங்களை இங்கு தெளிவுபடுத்த விரும்புகிறேன் என்று செல்வராகவன் கூறியிருக்கிறார்.

மனதுக்கு நெருக்கமான

தொடர்ந்து அவர் கூறும்போது "கான் படத்தின் கதை என் மனதுக்கு மிகவும் நெருக்கமானது, மேலும் எனது கனவுத் திட்டத்திற்கு தகுந்தாற்போல கான் படக்குழுவும் அமைந்தது".

தற்காலிகமாக

கான் படத்தின் படப்பிடிப்பை இப்போதைக்கு தற்காலிகமாக நிறுத்தி வைத்திருக்கிறோம், நாங்கள் அனைவரும் இதனை ஒரே கண்ணோட்டத்தில் தான் பார்க்கிறோம்.

சிம்புவை மிஸ் பண்ணுகிறேன்

கான் படத்தை அடுத்த ஆண்டுக்கு தள்ளி வைத்திருக்கிறேன், படத்திற்கு தேவையான நிதி கிடைத்ததும் கான் தொடங்கப்படும். சிம்பு மற்றும் கான் படக்குழுவினரை நான் மிகவும் மிஸ் செய்கிறேன்" என்று செல்வராகவன் தெரிவித்திருக்கிறார்.

அச்சம் என்பது மடமையடா

இது நம்ம ஆளு திரைப்படம் எப்போது வெளியாகும் என்று தெரியாத நிலையில் சிம்புவின் கையில் தற்போது அச்சம் என்பது மடமையடா திரைப்படம் மட்டுமே இருக்கிறது. கவுதம் மேனன் இயக்கத்தில் சிம்பு நடித்து வரும் அச்சம் என்பது மடமையடா தமிழ் மற்றும் தெலுங்கில் ஒரே நேரத்தில் உருவாகி வருகிறது.