கசங்கிப் போன சட்டை.. புட்டி கண்ணாடி போட்டாலும்.. ஸ்டைல் சாம்ராட் ரஜினி தான்.. ரசிகர்கள் வெறித்தனம்!

ஜெயிலர் இன்ட்ரோ வீடியோ

சன் பிக்சர்ஸ் தயாரிப்பில் இயக்குநர் நெல்சன் இயக்கத்தில் அனிருத் இசையில் ஒன்லி ஒன் சூப்பர்ஸ்டார் ரஜினிகாந்த் நடித்து வரும் ஜெயிலர் படத்தின் அட்டகாசமான அறிமுக வீடியோ தற்போது வெளியாகி உள்ளது. பிரம்மாண்ட செட், ஃப்ளைட் ஜெட் எல்லாம் இல்லாமல் ரொம்பவே எளிமையாக இந்த அறிமுக வீடியோவை இயக்குநர் நெல்சன் உருவாக்கி உள்ளது ரசிகர்களை ஆச்சர்யத்தில் ஆழ்த்தி உள்ளது.

டிரெண்டாகும் ஜெயிலர்

சட்டையோட கையை மடக்கி விட்டால் கூட ஸ்டைல் தான் பாஸ் என ரஜினியை ரொம்பவே எளிமையான முறையில் அவரது ஸ்டைலை பிரம்மாண்டமாக காட்சிப்படுத்த முடியும் என்பதை நிரூபித்துக் காட்டியிருக்கிறார் இயக்குநர் நெல்சன். ரஜினி ஸ்டைல் பண்ணுங்க என தர்பார் படத்தில் ரஜினியை டார்ச்சர் பண்ணது போல எல்லாம் பண்ணாமல் ரியல் ரஜினிஸத்தை நெல்சன் கொண்டு வரப் போகிறார் என ரசிகர்கள் ஃபயர் விட்டு வருகின்றனர்.

நெல்சனோட ரஜினி

இது நெல்சனோட ரஜினி என இந்த ரசிகர் முத்துவேல் பாண்டியனின் ஸ்டில்லுடன் கமெண்ட் போட்டுள்ளார். பாலசந்தரின் ரஜினி, பாலுமகேந்திரா ரஜினி, கே.எஸ். ரவிக்குமார் ரஜினி, சுரேஷ் கிருஷ்ணா ரஜினி, ஷங்கர் ரஜினி, பா. ரஞ்சித் ரஜினி எல்லாம் பார்த்த ரசிகர்களுக்கு நெல்சனோட ரஜினி எப்படி இருக்கப் போகிறார் என்பதை பார்க்கவே மொத்த பேரும் வெயிட்டிங்.

கசங்கிப் போன சட்டை

கோட் சூட், ரோலக்ஸ் வாட்ச், ரேபான் சன் கிளாஸ் அணிந்து கொண்டு வந்து தான் ஸ்டைல் காட்ட வேண்டும் என்றெல்லாம் இல்லை. என் தலைவன் கசங்கிப் போன சட்டை மற்றும் புட்டி கண்ணாடியுடனுமே ஸ்டைல் சாம்ராட்டாக காட்சி தருவார் என ரசிகர்கள் கொண்டாடி வருகின்றனர்.