ரெமோ படத்திற்கு வரிவிலக்கு: தமிழக அரசு ஆணை #Remo

திரையுலகில் சலசலப்பு

ரெமோ படத்திற்கு, தமிழக அரசு வரி விலக்கு அளித்துள்ளது, திரையுலகில் சலசலப்பை ஏற்படுத்தி உள்ளது. தமிழில் பெயர் வைப்பது உட்பட, பல நிபந்தனைகளை பூர்த்தி செய்யும் தமிழ் படங்களுக்கு, தமிழக அரசு வரி விலக்கு அளித்து வருகிறது. இதற்காக, படங்களுக்கு தமிழில் பெயர் வைக்க, தமிழ் திரைப்படத் தயாரிப்பாளர்கள், அதிக ஆர்வம் காட்டி வருகின்றனர்.

பெயர் மாறிய படங்கள்

ஜீவா நடித்த, எஸ்.எம்.எஸ்., படம், சிவா மனசுல சக்தியாக மாறியது. மாஸ் படம் மாசு என்ற மாசிலாமணியாக மாறியது. ஆல் இன் ஆல் அழகுராஜா வெறும் அழகுராஜாவாக தமிழில் பெயர் மாற்றப்பட்டன.

வரிவிலக்கு சரியா?

சமீபத்தில், உதயநிதி நடித்த, கெத்து, மனிதன் படங்களுக்கு, வரி விலக்கு மறுக்கப்பட்டது. இரண்டு பெயர்களும், தமிழ் வார்த்தை இல்லை என, கூறப்பட்டது. ஆனால், சிவகார்த்திகேயன் நடித்த, ரெமோ படத்திற்கு, தமிழக அரசு வரிவிலக்கு அளித்துள்ளது. 'ரெமோ தமிழ் வார்த்தை இல்லை; இதற்கு எப்படி வரி விலக்கு அளிக்கப்பட்டது' என, பட உலகில் சர்ச்சை எழுந்துள்ளது.

ரெமோ வரிவிலக்கு

ரெமோ படம், வரி விலக்கு பெற, ரெங்கநாதன் என்கிற மோகனா என, மாறுவதாக தகவல் பரவியது. ஆனால், படத் தயாரிப்பு நிறுவனம், ரெமோ பெயரிலேயே படத்தை வெளியிட்டுள்ளது. மேலும், கள்ளாட்டம், கொள்ளிடம், ஆண்டவன் கட்டளை போன்ற படங்களுக்கும், வரி விலக்கு அளிக்கப்பட்டு உள்ளது.